Էրդողանն իրեն ծիծաղելի վիճակի մեջ է դնում. գերմանական պարբերականները թուրք-գերմանական ճգնաժամի մասին

Գերմանական Schwäbische Zeitung պարբերականը, անդրադառնալով թուրք-գերմանական հարաբերություններում առաջացած ճգնաժամին, գրել է, որ Թուրքիայի նախագահ Ռեջեփ Թայիփ Էրդողանն ինքն իրեն ծիծաղելի վիճակի մեջ է դնում:

«Իր երկրի հզորության մասին հայտարարությունները գուցե տպավորում են թուրքերին, սակայն միջազգային հանրության աչքում ծիծաղելի վիճակի մեջ են դնում Էրդողանին», - գրել է պարբերականը:

Մեկ այլ գերմանական պարբերական Südkurier-ն, վկայակոչելով այն փաստը, որ թուրք նախարարներն, ի վերջո, որոշեցին նախընտրական քարոզարշավի շրջանակում չմեկնել Գերմանիա, գրում է, որ փաստացի Եվրոպայի գործադրած ճնշումներն իրենց արդյունքը տվեցին և ազդեցին Անկարայի վրա:

«Էրդողանի ամենամոլի պաշտպաններն անգամ հասկացան, թե նացիզմի մասին խոսակցություններն ինչ վնաս կարող են հասցնել իրենց երկրին: Սակայն պետք է հիշել, որ եթե անգամ Էրդողանը փոխի իր մարտավարությունը` նրա նպատակները նույնն են մնալու: Այս կոնֆլիկտին հանրաքվեից հետո կարող են հետևել նորերը», - գրում է Südkurier-ը:

Neue Rhein Zeitung պարբերականը նշում է, որ Գերմանիա գնալուց հրաժարվելու մասին որոշումը թուրքական իշխանությունները թուրքերի առաջ կմեկնաբանեն որպես «Գերմանիայի իրենց հայրենակիցներին պաշտպանելու» ջանքեր:

«Հարկ է նաև ևս մեկ անգամ կրկնել և հիշեցնել բոլորին. ՆԱՏՕ-ի անդամ, Եվրամիության անդամ դառնալու հավակնորդ և Գերմանիայի հետ տնտեսական սերտ համագործակցություն վարող Թուրքիան դաժան պատերազմ է մղում տեղի քրդերի դեմ և բանտարկում ընդդիմադիր լրագրողներին», - եզրափակում է գերմանական պարբերականը:

Հիշեցնենք, որ Բեռլինի և Անկարայի միջև հարաբերությունները սրվել են վերջերս Ստամբուլում գերմանական պարբերականի թուրք լրագրող Դենիզ Յուջելի ձերբակալությունից ու կալանավորումից հետո: Նա թուրքական իշխանությունների կողմից կասկածվում է «ահաբեկչական կազմակերպությանը հարելու, տվյալների անօրինական օգտագործման, ահաբեկչության քարոզչության համար»: Գերմանիայի կանցլեր Անգելա Մերկելը պահանջել է Անկարայից ազատ արձակել Յուջելին։

Լարվածության ֆոնին Գերմանիայում չեղարկվել են Թուրքիայի արտաքին գործերի նախարար Մևլութ Չավուշօղլուի, արդարադատության նախարար Բեքիր Բոզդաղի և էկոնոմիկայի նախարար Նիհաթ Զեյբեկչիի ելույթներն ու հանդիպումները տեղի թուրքական համայնքի հետ:

Իր հերթին, Թուրքիայի նախագահ Ռեջեփ Թայիփ Էրդողանն, ի պատասխան Բեքիր Բոզդաղի` տեղի թուրքական համայնքի հետ հանդիպման չեղարկմանը, Բեռլինի ներկայիս քաղաքականությունը համեմատել էր «անցյալում նացիստների գործողությունների» հետ։

Այս թեմայով Էրդողանը Իտալիայի վարչապետին ծխելը թողնելու կոչ է արել Թուրքիան կշարունակի նպաստել ուկրաինական հակամարտության կարգավորմանը. Էրդողան Թուրքիայի և Հայաստանի հարաբերությունների կարգավորման գործընթացն ընթանում է ըստ պլանի․ Էրդողան Էրդողանը հայտնել է՝ մոտ ժամանակներս Ուկրաինայում պատերազմը կավարտվի, թե ոչ Պաղեստինի ճանաչումը պատմական և չափազանց կարևոր որոշում է․ Էրդողան