Հազվագյուտ երևույթ. Լաս Վեգասում և Լոս Անջելեսում ձյուն է տեղացել (լուսանկարներ, տեսանյութ)

ԱՄՆ-ն պատուհասած փետրվարյան փոթորիկների հետևանքով երկրի հարավ-արևմտյան հատվածում այս տեղանքի համար հազվագյուտ բնական երևույթ է գրանցվել. Լաս Վեգասում և Լոս Անջելեսում ձյուն է տեղացել:

Ինչպես նշում է The Guardian-ը, որոշ հատվածներում ձյան շերտի բարձրությունը հասնում է մի քանի սմ-ի:

Օդերևութաբանների փոխանցմամբ՝ Լաս Վեգասում վերջին անգամ ձյուն էր տեղացել 2008թ. դեկտեմբերին:

Չնախատեսված եղանակային պայմանների հետևանքով Լաս Վեգասի օդանավակայանում հետաձգվել է մոտ հարյուր չվերթ:

Բացի այդ, իշխանությունները ձյան, սառույցի ու ցածր տեսանելիության պատճառով մասամբ փակել են Լաս Վեգասից դեպի Լոս Անջելես ու Ֆենիքս տանող ճանապարհները:

Daily Mail-ը հավելում է, որ անակնկալ ձյան պատճառով Լոս Անջելեսում որոշ դպրոցներ են փակվել:

Այս թեմայով «Այլմոլորակային» մողեսները հարձակվել են ամերիկացիների վրա Քենիայի արգելոցում լուսանկարիչը ֆիքսել է ընձառյուծների «ակրոբատիկ հնարքները» (լուսանկարներ) Մեդուզային օդ նետող դելֆինը դարձել է համացանցի աստղ (տեսանյութ) WWF-Հայաստանը «Արևիք» ազգային պարկում ընձառյուծ է լուսանկարել Ալյասկայում որմզդեղնը տապից պաշտպանվելու հիանալի միջոց է գտել (տեսանյութ)