Բրազիլացին, ի նշան Ամազոնի անտառների անտառահատման դեմ բողոքի, բերանով «բռնել» է 6 բոժոժավոր օձերի պոչից (տեսանյութ)

Բրազիլիայի արևմտյան Ռոնդոնիա նահանգի բնակիչ Արտևալ Դուարտեն յուրօրինակ մեթոդ է ընտրել Ամազոնյան անտառների անտառահատման դեմ բողոքի համար. նա բերանն է դրել 6 բոժոժավոր օձերի պոչերն ու տեսանկարել ամբողջ գործընթացը:

Ինչպես նշում է Daily Mail պարբերականը, տեսանյութը նկարահանվել է փետրվարի 6-ին: Տեսանյութում երևում է, թե ինչպես է «Օձերի նինձա» մականվամբ հայտնի ակտիվիստը զգուշորեն բռնում թունավոր սողունների գլուխներից: Այնուհետև նա բարձրանում է մեխերով պատված հարթակի վրա և բերանում տեղավորում բոլոր 6 օձերի պոչերը: Գործողությունը 15 վայրկյան է տևում, որից հետո տղամարդն իջնում է հարթակից:

Երկիր մոլորակի թոքերը համարվող Ամազոնի անտառներում րոպեում 200 ծառ է հատվում, ինչը նշանակում է, որ եթե դրա դեմ ոչինչ չարվի, մինչև 2030թ. անտառներն ամբողջովին կոչնչացվեն, գրում է լրատվամիջոցը:

 Թույլ նյարդեր ունեցողներին խորհուրդ չի տրվում դիտել տեսանյութը.