Սաակաշվիլին չի պատրաստվում Վրաստան վերադառնալ

Վրաստանի նախկին նախագահ Միխեիլ Սաակաշվիլին Բելգիայի Լիեժ քաղաքում վրացի ներգաղթյալների հետ հանդիպմանը հայտարարել է, որ որոշել է դեռևս չվերադառնալ հայրենիք:

«Ինձ հաճախ հարցնում են` երբ եք Վրաստան գալու: Պատասխանը շատ պարզ է. իհարկե, մենք գնալու ենք Վրաստան: Բայց ես ձեզ հարցնեմ` արդյոք հիմա Վրաստանում հարմար իրավիճակ է վերադառնալու համար: Այսօր դեռևս այդ իրավիճակը չէ, բայց մենք պետք է առաջիկա շաբաթներին և ամիսներին պատրաստ լինենք»,- ասել է Սաակաշվիլին, հաղորդում է RT-ն:

Նա նշել է, որ «դժվար է հեռվից նայել, թե ինչպես է քանդվում քո երկիրը»:

Սաակաշվիլին ընդգծել է, որ հստակ ծրագիր ունի Վրաստանում խաղաղ իշխանափոխություն իրականացնելու համար, և այդ գործում մեծ է երկրից արտագաղթածների դերը:

«Մենք պետք է Վրաստան վերադարձնենք մեր 1-1.5 միլիոն հայրենակիցներին, որոնք տարեկան 2.5 մլրդ դոլար են ուղակում իրենց ընտանիքներին և ձևավորում են երկրի պետական բյուջեն: Դա այլևս տեղի չի ունենա, եթե մեզ հաջողվի ազատվել իշխանությունը զավթած օլիգարխներից»,- նշել է Վրաստանի նախկին նախագահը:

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք