Նիկոլ Փաշինյանի նկատմամբ կիրառված ստանդարտը պետք է կիրառվի նաեւ Ռոբերտ Քոչարյանի նկատմամբ. Հայկ Ալումյան
Ռոբերտ Քոչարյանի գործով Վերաքննիչ դատարանում դատավարության ընթացքը եղավ օրինական, ի տարբերություն առաջին ատյանի դատարանի. օրինական ընթացքով ընտրվել էր դատավորը եւ դատավորն ընկալում էր մեր փաստարկները: Այս մասին, այսօր՝ փետրվարի 9-ին, մամուլի ասուլիսի ժամանակ նշեց ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը:
«Դժբախտաբար, վերաքննիչ դատարանի դատավորն իրեն թույլ տվեց կոպտորեն խախտել օրենքը իր վերջնական որոշման մեջ եւ շարունակեց կալանքի տակ պահել պարոն Քոչարյանին մի շարք շատ կոպիտ խախտումներ անտեսելով:
Մի դետալ նշեմ. Մինչ այդ մենք արդեն անդրադարձել էինք այն հարցին, որ 2008 թվականին սահմանադրական կարգի տապալման մեղադրանք էր առաջադրված 7 մարդու՝ առավել ակտիվ մասնակիցներին: Հետո 2009-ին Սահմանադրության համապատասխան հոդվածը փոխվեց եւ հիմա սահմանադրական կարգի տապալումը նախատեսված է 300.1 հոդվածով: Այդ փոփոխության արդյունքում այդ 7 հոգու նկատմամբ քրեական հետապնդումը այդ մասով դադարեցվեց այն պատճառաբանությամբ, որ 300.1 հոդվածը խստացնում է անձի վիճակը, հետեւաբար քրեական իրավունքի հանրաճանաչ սկզբունքից ելնելով, այդ 7 հոգին խուսափեցին քրեական պատասխանատվությունից՝ սահմանադրական կարգի տապալման համար: Քրեական հետապնդումից խուսափեց նաեւ մեր հարգարժան Նիկոլ Փաշինյանը:
Մեր փաստարկներից մեկն այն էր, որ նույն ստանդարտը պետք է կիրառվի նաեւ պարոն Քոչարյանի նկատմամբ: Չի կարող Քոչարյանի դեպքում հակառակ մոտեցումը կիրառվել»,-հայտարարեց պաշտպանը:
Նա նշեց, որ դատավարության ընթացքում դատախազներից մեկը հայտարարեց, թե դա այն ժամանակվա դատախազի տեսակետն է եղել, որ այդ հոդվածը չպետք է կիրառվի, հիմա էլ մենք ենք այստեղ դատախազը եւ կարծում ենք, որ պետք է կիրառվի. «Այսինքն մեր դատախազությունը հաշվի չի առնում, որ դատախազությունը միասնական համակարգ է, նաեւ անձի ճակատագիրը չի կարող կախված լինել նրանից, թե տվյալ դեպքում դատախազներից որ մեկն է դատարանում մեղադրանքը ներկայացնում: Մենք անգամ վերաքննիչ դատարանին չկարողացանք սա բացատրել»:
Ալումյանը տեղեկացրեց, որ այդ 7 անձանց նկատմամբ քրեական հետապնդումը դադարեցնելու որոշման տակ ստորագրած 6 դատախազներից մեկն այսօր Վճռաբեկ դատարանի քրեական պալատի նախագահ Լիլիթ Թադեւոսյանն է:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...