Քոչարյանի գործով բարձրաստիճան սպաներ են հարցաքննվել. փաստաբան
2008 թ. փետրվարի 23-ից մինչեւ մարտի 2-ն ընկած ժամանակահատվածում ՀՀ սահմանադրական կարգը բռնությամբ տապալելու գործով ՀՀ երրորդ նախագահ Սերժ Սարգսյանի կողմից ցուցմունք տալու վերաբերյալ տվյալներ առկա չեն։ Այս մասին այսօր՝ փետրվարի 4–ին Վերաքննիչ քրեական դատարանում լրագրողների հետ զրույցում հայտարարեց ՀՀ երկրորդ նախագահ Ռոբերտ Քոչարյանի պաշտպաններից Հայկ Ալումյանը։
«Սերժ Սարգսյանը, եթե անգամ Մարտի մեկի գործով ցուցմունքներ է ներկայացրել, ապա դրանք Քոչարյանի գործով ներկայացված չեն»,– ասաց նա։
Ալումյանի խոսքով՝ քննիչի կողմից դատարան ներկայացված ցուցմունքներից շատերը տվել են բարձրաստիճան սպաները.
«Կան սպայական կազմից բարձրաստիճան պաշտոնյաներ, ովքեր այս գործով հարցաքննվել են»,- ասաց նա։
Հարցին, արդյոք այս գործով ցուցմունք տվել է գեներալ Մանվել Գրիգորյանը, որ 2008թ. զբաղեցնում էր Պաշտպանության նախարարի տեղակալի պաշտոնը, Ալումյանը պատասխանեց, որ նման ցուցմունք այս գործով քննիչը չի ներկայացրել։
Հիշեցնենք, որ այսօր մամուլում լուրեր էին տարածվել, որ փետրվարի 1-ին Սերժ Սարգսյանը վկայի կարգավիճակում մի քանի ժամ հարցաքննվել է Մարտի մեկի գործի շրջանակում ։ Հատուկ քննչական ծառայությունը սակայն NEWS.am–ի հետ զրույցում հայտարարել էր, որ չի մեկնաբանում այդ տեղեկությունը:
Լուրեր Հայաստանից - NEWS.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...