Զարուհի Մեջլումյանը հրաժարվում է հրապարակել Մհեր Ենոքյանի ներման խնդրագրի պատասխանը

Մհեր Ենոքյանի ներման խնդրագրի պատասխանը անհատական իրավական ակտ է, որը հրապարակման ենթակա չէ։ Այս մասին NEWS.am-ի հետ զրույցում ասաց ցմահ ազատազրկված Մհեր Ենոքյանի կինը, նաեւ փաստաբանն ու ներկայացուցիչը՝ Զարուհի Մեջլումյանը:

«Որեւէ մեկին Մհերը չի տվել լիազորություն, որ ես պատասխանեմ ներման խնդրագրի պատասխանը ինչ է, դա անհատական իրավական ակտ է, որը հրապարակման ենթակա չէ»,–ասաց նա։

Նշենք, որ Արդարադատության նախարարությունից տեղեկացրել էին, որ նախարարությունը օրենքով սահմանված կարգով և ժամկետներում Հանրապետության նախագահի աշխատակազմից ստացել է ներման խնդրագրերի մասին հրամանագրերը։

Ավելի վաղ մամուլում գրել էին, որ ՀՀ վարչապետ Նիկոլ Փաշինյանը բացասական եզրակացություն է տվել ցմահ ազատազրկված Մհեր Ենոքյանին ներում շնորհելու խնդրագրին։ Դա չէր հերքել նաեւ արդարադատության նախարար Արտակ Զեյնալյանը:

Հիշեցնենք, որ սպանված Իոսիֆ Աղաջանովի հարազատները դեմ են Մհեր Ենոքյանի ներմանը եւ այս ընթացքում մեծ աղմուկ են բարձրացրել՝ Նիկոլ Փաշինյանի որոշման վրա ազդելու համար։

Այս թեմայով Մարդասպան Մհեր Ենոքյանին փորձում են վաղաժամկետ ազատ արձակել Մհեր Ենոքյանի բանտային ռեժիմի փոփոխության որոշումն անընդունելի է. պայմանների մեղմացումը չպետք է վերաբերի դաժան մարդասպաններին Ողջունում եմ Վարչապետի և Նախագահի որոշումը Մհեր Ենոքյանին ներում չի շնորհվել ՀՀ նախագահի աշխատակազմի արձագանքը` ցմահ դատապարտյալ Մհեր Ենոքյանի ներման հարցի շուրջ