Ստամբուլի ափերի մոտ Երկրորդ համաշխարհային պատերազմից մնացած գերմանական սուզանավ է հայտնաբերվել (տեսանյութ, լուսանկարներ)

Թուրքիայի Ստամբուլի նահանգի Շիլե շրջանի ափերի մոտ TRT World հեռուստաալիքի հաղորդումներից մեկի ստորջրյա նկարահանումների ժամանակ պատահաբար Երկրորդ համաշխարհային պատերազմի տարիներին այստեղ հայտնված գերմանական U-23 տեսակի ռազմական սուզանավ է հայտնաբերվել, փոխանցում է թուրքական «Հյուրրիյեթ» պարբերականը:

U-23-ը հայտնաբերել է թուրքական Akin որոնողափրկարարական սուզանավը՝ Աղվա բնակավայրից քիչ հեռու, սուզանավը գտնվել է մոտ 40 մետր խորության վրա:

Դեռևս 1944 թվականին գերմանական զորքերը զանգվածային նահանջի ժամանակ Թուրքիայի ափերի մոտ են թողել երեք սուզանավ՝ U-19, U-20 և U-23: Դրանցից մեկը հայտնաբերվել է դեռ 24 տարի առաջ՝ Թուրքիայի ռազմածովային ուժերի կողմից: