Իռլանդացի ուսանողներն ինքնաթիռում համերգային ներկայացում են բեմադրել (տեսանյութ)

Լոնդոնից Քերրի թռնող ինքնաթիռում հետաքրքիր միջադեպ է տեղի ունեցել: Իռլանդացի ուսանողներն օդանավում համերգային ներկայացում են բեմադրել` կատարելով իռլանդական հայտնի երգեր, հաղորդում է РИА Новости-ն` հղում անելով Travel and Leisure-ին:

Ուսանողները կատարել են «Step it out Mary» երգը` ազգային գործիքների նվագակցությամբ:

Չնայած սովորաբար ուղևորների մեծամասնությունը թռիչքի ժամանակ լռություն է նախընտրում, սակայն այս դեպքում ոչ ոք դեմ չի եղել հրաշալի կատարումներին:

Թռիչքից հետո տեսանյութը հրապարակվել է համացանցում և արժանացել հարյուր հազարավոր դիտումների:

Տեսանյութը տեղադրվել է նաև ավիաընկերության պաշտոնական կայքէջում` գրությամբ` «երիտասարդներն իսկական շոու են ցույց տվել»: