Վրաստանում 2020 թվականից դպրոցական ավարտական քննություններ չեն լինի

Վրաստանի գնահատման և քննությունների ազգային կենտրոնի ղեկավար Սոփո Գորգոձեն ներկայացրել է հանրակրթական դպրոցների քննությունների նոր մոդելը:

Նա տեղեկացրել է, որ 2019-ից չեղարկվում են 11-րդ դասարանի ավարտական քննությունները։ Այս տարի 12-րդ դասարանցիների ավարտական քննությունները պահպանվում են՝ քննությունների արդեն սկսած շրջանն ավարտելու նպատակով: Այս մասին հայտնում է «Ալիք Մեդիա»-ն։

Ըստ Գորգոձեի, 12-րդ դասարանցիների ավարտական քննություններն ամբողջությամբ կչեղարկվեն 2020-ից։

«Կապահովվի քննությունների անցկացումը նրանց համար, ովքեր նախորդ տարիներին չեն մասնակցել կամ չեն կարողացել հանձնել 11-րդ դասարանի ավարտական քննությունները»,- հավելել է Սոփո Գորգոձեն:

«Այս որոշումը կայացրել ենք երկար հետազոտություններից ու քննարկումներից հետո՝ փորձելով հաշվի առնել նաև բոլոր շահագրգիռ կողմերի կարծիքները: Դպրոցները կենտրոնացած կլինեն իրական գիտելիքների վրա, ոչ թե քննությունների»,- պարզաբանել է Սոփո Գորգոձեն:

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք