Կլիչկոյի շփոթմունքը Դավոսի համաժողովի ժամանակ ծիծաղ է առաջացրել դահլիճում (տեսանյութ)

Համացանցում տեսանյութ է հրապարակվել, որում երևում է, թե ինչպես է Կիևի քաղաքապետ և բռնցքամարտի աշխարհի նախկին չեմպիոն Վիտալի Կլիչկոն դժվարանում digitalization («թվայնացում») բառն արտասանելիս:

Ինչպես հայտնում է РИА Новости-ն, դա տեղի է ունեցել Դավոսում անցկացվող Համաշխարհային տնտեսական համաժողովի շրջանակներում ուկրաինական մայրաքաղաքի զարգացման հարցերը քննարկելիս:

Հրապարակված կադրում երևում է, թե ինչպես է Կլիչկոն փորձում արտասանել վերոնշյալ բառը, սակայն չի կարողանում միանգամից անել դա: Այդ ընթացքում Կլիչկոյի եղբայրը, որը նրա կողքին էր նստած, չի կարողանում զսպել ծիծաղը: Ինչպես երևում է, Կլիչկոյին այդպես էլ չի հաջողվում արտասանել այդ բառը: