ԱՄՆ–ը չի կարող ստիպել հրաժարավել, միեւնույն է մենք ՌԴ–ից գնելու ենք C-400–ները. Չավուշօղլու

Թուրքիայի ԱԳ նախարար Մեւլութ Չավուշօղլուն անդրադարձել է ԱՄՆ–ի կողմի առաջարկվող Patriot համակարգերի գնման հավանականությանը եւ ռուսական C-400–ների խնդրին։

Թուրքական Hurriyet–ի փոխանցմամբ՝ Թուրքիայի ԱԳ նախարար Մեւլութ Չավուշօղլուն նշել է, որ ԱՄՆ–ը Patriot համակարգերի գնման առաջարկ է արել։ «Մենք մեր օդային սահմանը պաշտպանելու խնդիր ունենք։ Մենք ԱՄՆ–ից ուզեցինք, չտվեցին։ ՌԴ–ի հետ արդեն ստորագրված համաձայնագիր կա C-400–ների գնման մասին։ Մենք կարող ենք ԱՄՆ–ի հետ պայմանավորվել Patriot–ների շուրջ, սակայն եթե մեզ ստիպեն հրաժարվել C-400–ից, ապա մենք չենք գնի Patriot–ները»,–ասել է Չավուշօղլուն։