«Չնայած ամերիկյան զորքերի դուրսբերմանը՝ շարունակելու ենք զսպել Իրանի նկրտումները Սիրիայում». Նեթանյահու

«Սիրիայից 2 հազար ամերիկացի զինվորականների դուրսբերման մասին որոշման պատճառով Երուսաղեմի քաղաքականությունն այդ երկրի հանդեպ փոփոխության չի ենթարկվի», - հայտարարել է Իսրայելի վարչապետ Բենյամին Նեթանյահուն:

Նրա խոսքով՝ հրեական պետությունը շարունակելու է անել հնարավորը՝ Սիրիայում Թեհրանի նկրտումները զսպելու համար:

«Մենք շարունակելու ենք հակազդել իրանական զինուժի` Սիրիայում մշտապես հաստատվելու փորձերին: Չի բացառվում, որ մեր գործողությունների ծավալը Սիրիայում ընդլայնվի», - հայտարարել է Իսրայելի վարչապետը:

Դեկտեմբերի 19-ին «Ռոյթերզ» և «Ֆրանսպրես» գործակալությունները՝ վկայակոչելով ամերիկյան կառավարությունում անանուն աղբյուրը, հայտնեցին, որ Վաշինգտոնն առաջիկայում կարող է ամերիկյան զորքն ամբողջությամբ դուրս բերել Սիրիայից։

Այս տեղեկատվությունը հաջորդում է Թվիթերում ԱՄՆ նախագահ Դոնալդ Թրամփի կատարած գրառմանը, որում ասվում է․ - «Իսլամական պետություն» ահաբեկչական խմբավորման պարտությունը մեր զորքի՝ այնտեղ մնալու միակ պատճառն էր»:

Ամերիկյան CNN հեռուստաընկերության տվյալներով՝ պաշտոնից հեռացող Պենտագոնի ղեկավար Ջեյմս Մատիսն արդեն ստորագրել է Սիրիայից ամերիկյան ստորաբաժանումների դուրսբերման մասին պաշտոնական հրամանը:

Այս թեմայով Իրանն ու Օմանը քննարկում են Օրմուզի նեղուցը ճգնաժամից դուրս բերելու ուղիները NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal