Ինչ են Թուրքիան և Ադրբեջանն ակնկալում Հայաստանի նոր իշխանություններից. «Անադոլու»-ի անդրադարձը
Թուրքական ամենահայտնի լրատվական գործակալություններից «Անադոլու»-ն մանրակրկիտ անդրադարձ է կատարել Հայաստանում արտահերթ խորհրդարանական ընտրություններին ու դրանց նախորդած «թավշյա հեղափոխությանը»՝ վերլուծելով երկրում տիրող քաղաքական իրավիճակը, հին ու նոր իշխանությունների ներքին ու արտաքին քաղաքականության մեջ կանխատեսվող տարբերություններն ու, իհարկե, հայաստանյան նոր քաղաքական իրավիճակից Թուրքիայի ունեցած սպասումները:
«Հայաստանում Փաշինյանի ժամանակաշրջանն ու Լեռնային Ղարաբաղի հիմնախնդիրը» վերնագրով հոդվածում թուրքական իշխանամետ լրատվամիջոցն ընդգծել է, որ Հայաստանի նոր իշխանություններից Թուրքիայի սպասումները մեծապես կապված են նաև Ադրբեջանի ունեցած սպասումների ու դրանց բավարարման հետ:
«Նախորդ ղեկավարների արած ներքին ու արտաքին քաղաքական սխալներն ուղղելու հարցում Փաշինյանն առավել ազատ է: Ի վերջո՝ նա ունի խորհրդարանի մեծամասնության և հասարակական լայն զանգվածների աջակցությունը, մյուս կողմից՝ աշխատելու է իրեն աջակցող նախագահի հետ»,- նշում է թուրքական գործակալության ադրբեջանցի թղթակից Ջևիդ Վելիևը՝ ընդգծելով, որ Հայաստանի նախորդ առաջնորդները սովորաբար չեն տիրապետել այս բոլոր առավելություններին միասին վերցված:
Մյուս կողմից էլ, ըստ հոդվածի հեղինակի, սա բերում է մի իրավիճակի, երբ տարածաշրջանային խաղաղության ու կայունության հասնելու հարցում, ցանկացած հետքայլի դեպքում ամբողջ պատասխանատվությունը կնկնի հենց Նիկոլ Փաշինյանի վրա, քանի որ վերջինս չի կարողանա որպես արդարացում օգտագործել խորհրդարանի, ժողովրդի կամ նախագահի աջակցության բացակայության պատրվակը:
Հոդվածի հեղինակը ուշադրություն է հրավիրում նաև ՀՀ վարչապետի պաշտոնակատարի՝ արցախյան հակամարտության վերաբերյալ այն հայտարարություններին, որոնցով պարտադիր է համարել բանակցային գործընթացում Արցախի իշխանությունների մասնակցությունը: Թուրքական լրատվամիջոցը շեշտում է, որ Թուրքիայի և Ադրբեջանի համար նման դիրքորոշումն անընդունելի է, քանի որ իրենք Արցախի գործող իշխանություններին համարում են ազգայնական ու ծայրահեղական ուժեր:
«Փաշինյանը բացահայտ հայտարարել է, որ առանց Լեռնային Ղարաբաղի հայերի համաձայնության չի կարող որևէ պայմանավորվածություն ձեռք բերվել: Սա բավական ճգնաժամային կետ է: Լեռնային Ղարաբաղը գտնվում է բավական ծայրահեղական դիրքորոշման տեր հայերի ձեռքում ու խաղաղության համար վարվող բանակցություններում առաջխաղացում գրանցելու համար նախ պետք է փոխվի այդ ղեկավարությունը: Եթե հայկական կողմն այս ուղղությամբ որևէ փոփոխություն չի նախատեսում՝ կարելի է ասել, որ սա խաղաղ բանակցային գործընթացի համար Փաշինյանի ստեղծած ծուղակն է», - գրում է «Անադոլուն»՝ հավելելով, որ այս հարցում Հայաստանի վարչապետի պաշտոնակատարի իրական նպատակներն ու անկախ որոշումներ կայացնելու համար անհրաժեշտ ուժի տեր լինել-չլինելը ցույց կտա ժամանակը:
Ինչ վերաբերվում է հայ-թուրքական հարաբերություններին՝ հոդվածի հեղինակը նկատում է, որ Հայաստանի նոր իշխանություններն այս հարցում նախկիններից տարբերվող դիրքորոշում, կարծես թե, չեն որդեգրել:
«Ընտրություններից առաջ կատարած հայտարարություններում Փաշինյանն անընդհատ շեշտում էր Թուրքիայի առաջադրած նախապայմանները: Մինչդեռ Թուրքիան այս հարցում ունի ոչ թե նախապայմաններ, այլ հստակ պահանջներ. Լեռնային Ղարաբաղի խնդրի հարցում գալ Ադրբեջանին գոհացնող արդյունքի, ինչպես նաև հրաժարվել Թուրքիայից հողային պահանջներից ու, այսպես կոչված, ցեղասպանության մասին պնդումներից»,- եզրափակում է «Անադոլու»-ն:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ամբերդ ամրոց և Քարի լիճ տանող ավտոճանապարհները փակ են
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...