Ինչպես կբաշխվեն ԱԺ հանձնաժողովների նախագահների պաշտոնները. «Իմ քայլը»՝ 6, ԲՀԿ-ն՝ 2, «Լուսավոր Հայաստան»՝ 1
Արդեն հայտնի է, որ արտահերթ խորհրդարանական ընտրությունների արդյունքում Ազգային ժողովի պատգամավորների թիվը 132 է լինելու, մինչդեռ այսօր այդ թիվը 105 է:
Լուծարված, սակայն դեռեւս գործող Ազգային ժողովում կա 9 մշտական հանձնաժողով, սակայն նոր խորհրդարանում այդ թիվը կարող է փոխվել: Նշենք, որ Սահմանադրության 106-րդ հոդվածը սահմանում է, որ Ազգային ժողովում կարող է ստեղծվել ոչ ավելի, քան տասներկու մշտական հանձնաժողով: Սա նշանակում է, որ նոր խորհրդարանը կարող է ունենալ 9-ից ավելի կամ պակաս մշտական հանձնաժողովներ: Այդ հարցը որոշվում է հենց Ազգային ժողովի առաջին նիստում:
Իսկ թե Ազգային ժողովի մշտական հանձնաժողովների նախագահների պաշտոնները որ ուժին բաժին կհասնեն, որոշվում է Դոնթի բանաձեւով՝ հիմնվելով ԱԺ-ում քաղաքական ուժերի ստացած մանդատների թվի վրա:
Հիշեցնենք, որ «Իմ քայլը» դաշինքն ստացել է 88 մանդատ, ԲՀԿ-ն՝ 26 մանդատ իսկ «Լուսավոր Հայաստանը»՝ 18 մանդատ: Ըստ այդմ, եթե ելնենք նրանից, որ ԱԺ մշտական հանձնաժողովների թիվը մնալու է 9-ը, ապա «Իմ քայլը» դաշինքին բաժին կհասնի 6 հանձնաժողովի նախագահի պաշտոն, ԲՀԿ-ին՝ 2-ը, իսկ «Լուսավոր Հայաստանին»՝ մեկը:
Եթե ստացվի այնպես, որ ԱԺ հանձնաժողովների թիվը լինի 12, ապա «Իմ քայլը» դաշինքը նախագահ կունենան դրանցից 9-ում: ԲՀԿ-ին բաժին կհասնի երկու հանձնաժողով, իսկ «Լուսավոր Հայաստանին»՝ 1:
Նշենք, որ նույն Դոնթի բանաձեւով հաշվարկվում են նաեւ հանձնաժողովների փոխնախագահների, նաեւ եվրոպական խորհրդարանական կառույցների, օրինակ ԵԽԽՎ-ի մեր պատվիրակության ղեկավար կազմերը:
Այս պահին դեռեւս հայտնի չէ, թե որ հանձնաժողովները որ ուժին բաժին կհասնեն եւ ովքեր կլինեն դրանց նախագահները: Մամուլում արդեն շրջանառվում է, որ Արտաքին հարաբերությունների մշտական հանձնաժողովը կգլխավորի Հովհաննես Իգիթյանը («Իմ քայլը»), ով այդ պաշտոնը զբաղեցրել է 1995-1999 թթթ խորհրդարանում: Պաշտպանության, ազգային անվտանգության, ներքին գործերի մշտական հանձնաժողովը կարող է գլխավորել «Իմ քայլից» Անդրանիկ Քոչարյանը, ով ժամանակին եղել է պաշտպանության փոխնախարար: Տնտեսական հարցերի մշտական հանձնաժողովը կարող է գլխավորել «Հայկական ժամանակի» տնտեսական լրագրող Հայկ Գեւորգյանը:
Լուրեր Հայաստանից - NEWS.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...