Հատուկ ծառայությունների տվյալները՝ Եվրոպայի համար իրանական հրթիռների սպառնալիքի մասին. Die Welt

Իրանը ընդլայնում է հրթիռային ծրագիրը՝ ավելացնելով փորձարկումների քանակը: Նոր իրանական հրթիռները կարող են հասնել Եվրամիության սահմաններին: Այս մասին հաղորդում է Die Welt-ը՝ հղում անելով եվրոպական հատուկ ծառայությունների տվյալներին:

Հետախուզական գերատեսչությունների գնահատականներով՝ 2018 թվականին Իրանը կրկնապատկել է հրթիռային փորձարկումների քանակը: Թեհրանն արձակել է առնվազն 7 բալիստիկ հրթիռ միջին հեռահարության և 5 բալիստիկ հրթիռ մոտ հեռահարության և թևավոր հրթիռներ: Die Welt-ի աղբյուրների տվյալներով՝ խոսքը միջին հեռահարության «Շահաբ-3» առնվազն 3 հրթիռների արձակման մասին է, որի թռիչքի շառավիղը թույլ է տալիս հարված հասցնել ԵՄ հարավարևելյան երկրներին: Իրանը փորձարկել է նաև միջին հեռահարության «Խորամշահր» հրթիռ և «Կիամ-1» թևավոր հրթիռ:

2017-ին հայտնի էր միայն 5 միջին և մոտ հեռահարության հրթիռների փորձարկումների մասին, ինչից հետևում է, որ արձակումների քանակը կրկնակի ավելացել է: