Արմեն Մարտիրոսյան. «Մենք այլևս չենք կարող թույլ տալ, որ ամեն մի բողոքի ալիքից հետո ոստիկաններին ժողովրդի դեմ հանեն» (տեսանյութ)
Այսօր՝ մարտի 14-ին, «Օհանյան-Րաֆֆի-Օսկանյան» դաշինքը Վայոց ձորի մարզում է: Նրանց առաջին կանգառը եղավ Եղեգնաձոր քաղաքը, այնուհետև Վայքը:
Վայքի բնակիչների հետ զրույցում «Օհանյան-Րաֆֆի-Օսկանյան» դաշինքի անդամ, «Ժառանգություն» կուսակցության փոխնախագահ Արմեն Մարտիրոսյանն իր նախընտրական ելույթը Վայքի բնակիչների հետ սկսեց ողջույնով, ուղղված ոչ միայն քաղաքացիներին, այլև իրավապահներին. «Բարև, սիրելի վայքեցիներ, բարև, սիրելի բնակիչներ, բարև, հարգելի ոստիկաններ, բարի ծառայություն ձեզ», - ասաց նա, այնուհետև ներկայացրեց դաշինքի ծրագրային դրույթները, հիմնական գաղափարները և մոտեցումները: Արմեն Մարտիրոսյանն անդրադարձ կատարեց նաև երկրի սոցիալ-տնտեսական վիճակին:
«Տարիներ շարունակ իրենց (իշխանություններին - խմբ.) զգուշացնում էինք, որ հարկային տեռորի մի ենթարկեք փոքր ու միջին բիզնեսը: Դատարաններին մի ստիպեք անարդար որոշումներ ընդունել, ընտրություններ մի կեղծեք, համակարգային կոռուպցիայով մի զբաղվեք, բյուջեն մի թալանեք: Այդքան արագաչափ մի դրեք ու մարդկանց մի աղքատացրեք..., - ասաց նա` հավելելով, - բայց նրանք այդ բոլոր զգուշացումներն արհամարհեցին ու միայն մտածեցին փողի ու պաշտոնի, պաշտոնի ու փողի մասին»:
Արմեն Մարտիրոսյանը խոսեց նաև իշխանությունների կողմից ուժային կառույցների կիրառման մասին ընդդեմ քաղաքացիների. «Մենք այլևս չենք կարող թույլ տալ, որ ոստիկաններին ամեն մի ընտրությունից հետո, ամեն մի բողոքի ալիքից հետո, ոչ միայն ընտրությունների հետ կապված, բերեն ժողովրդի դեմ կանգնացնեն ու ասեն՝ «ժողովրդին բռնության ենթարկի», ապօրինի եղանակով: Մենք սա թույլ տալ այլևս չենք կարող»:
Մանրամասները՝ ՕՐՕ դաշինքի հանդիպումից վայքեցիների հետ՝ կից տեսանյութում:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...