Սաուդյան Արաբիայի արքայազնի ու ՌԴ նախագահի «արտասովոր» ձեռքսեղմումը (տեսանյութ)
Ռուսաստանի Դաշնության նախագահ Վլադիմիր Պուտինն ու Սաուդյան Արաբիայի թագաժառանգ արքայազն Մուհամեդ բին Սալման ալ Սաուդն Արգենտինայում մեկնարկած «Մեծ քսանյակ»-ի գագաթնաժողովի շրջանակում անսովոր կերպով են միմյանց ողջունել, ինչը չի վրիպել լրատվամիջոցների աչքից, գրում է USA Today-ը:
Լրատվամիջոցը նշում է, որ Արգենտինայում հավաքված համաշխարհային առաջնորդների սառը ընդունելությանն արժանացած արքայազնը ջերմ ընդունելության է արժանացել ՌԴ նախագահի կողմից:
Տեսանյութում երևում է՝ ինչպես է Պուտինը թափահարում ձեռքն ու պարզում արքայազնին, վերջինս էլ այն իր ձեռքն է առնում ու մյուս ձեռքով մի քանի անգամ տմբտմբացնում:
Այս ջերմ ձեռքսեղմումը տեղի է ունեցել սաուդցի ընդդիմադիր լրագրող Ջամալ Խաշոգջիի սպանության շուրջ ստեղծված իրավիճակի ֆոնին, ինչի համար շոշափվում է Սաուդյան Արաբիայի թագաժառանգ արքայազնի անունը:
Հիշեցնենք, որ ընդդիմադիր լրագրողն անհետացել էր Ստամբուլում երկրի հյուպատոսություն մուտք գործելուց հետո: Թուրքական ոստիկանությունը պնդում էր, որ լրագրողը սպանվել է Ստամբուլում Սաուդյան Արաբիայի հյուպատոսության շենքի ներսում: Մինչդեռ հյուպատոսարանից հայտնում էին, թե Խաշոգջին կորել է հյուպատոսության շենքից դուրս գալուց հետո:
Ավելի ուշ Սաուդյան Արաբիան հաստատել է, որ լրագրողը սպանվել է, ըստ նրանց՝ դա տեղի է ունեցել հյուպատոսության ներսում ծագած վեճի հետևանքով:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը