Եվրոպայի խորհուրդը պատասխանել է ՄԻԵԴ-ի որոշումն ընդունել հրաժարվող Էրդողանին
Եվրոպայի խորհուրդն արձագանքել է Թուրքիայի նախագահ Ռեջեփ Թայիփ Էրդողանի՝ քրդամետ Ժողովրդադեմոկրատական կուսակցության նախկին առաջնորդ Սելահաթթին Դեմիրթաշին բանտից անհապաղ ազատելու վերաբերյալ Մարդու իրավունքների եվրոպական դատարանի վճիռը չընդունելու հայտարարությանը:
Ինչպես գրում է գերմանական DW հեռուստառադիոընկերության թուրքական ծառայությունը, Եվրոպայի խորհրդից նշել են, որ հույս ունեն, որ Թուրքիան հնարավորինս կարճ ժամկետներում կիրականացնի առաջադրված պահանջը:
Եվրոպայի խորհրդի խորհրդարանական վեհաժողովի նախագահ Լիլիան Մաուրի Պասքերը հայտարարության մեջ շեշտել է, որ երկրում խորհրդարանի անդամի կալանավորումն ազդում է ոչ միայն նրա անձի ու անհատական, այլև ամբողջ խորհրդարանի՝ ազատ և ժողովրդավար պայմաններում գործունեության վրա, ինչպես նաև սպառնալիք է ամբողջ երկրում ժողովրդավարական նորմերի տարածման համար:
Հիշեցնենք, որ ՄԻԵԴ-ի կայացրած որոշման համաձայն՝ Դեմիրթաշի կալանավորման համար ներկայացված հիմքերը բավարար չեն: Նա պետք է ազատ արձակվի, մինչդեռ Թուրքիայի իշխանությունները 10.000 եվրոյի չափով բարոյական և 15.000 եվրոյի չափով դատական ծախսերի փոխհատուցում պետք է վճարեն պատգամավորին:
Թուրքիայի նախագահ Ռեջեփ Թայիփ Էրդողանը հայտարարել է, որ իրենք չեն ընդունելու կայացված որոշումը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո