Խելագար հրմշտոց և ծեծկռտուք. ինչպես է աշխարհում անցնում Black Friday-ն

Խոշոր զեղչերի համաշխարհային օրը՝ «Սև ուրբաթն» այս տարի կանցկացվի նոյեմբերի 23-ին:

Այս ավանդույթը սկիզբ է առնում ԱՄՆ-ից, որտեղ այն անցկացնում են 1966 թ.-ից: Այդ օրը խանութները հայտարարում են մինչև 90% զեղչ, իսկ մարդիկ նախօրեից արդեն հերթ են կանգնում ցուցափեղկերի դիմաց: Գնորդներին ավելի շատ հետաքրքրում է կոշկեղենը, հագուստը, կոսմետիկան և էլեկտրոնիկան:

Black Friday-ն ԱՄՆ-ում

ԱՄՆ-ում դա մի ամբողջ ավանդույթ է, երբ մարդիկ ամբողջ գիշեր անցկացնում են խանութների առջև՝ առաջինը ներս մտնելու ակնկալիքով: Այդ օրը, սովորաբար, բնորոշվում է խելագար հրմշտոցով և գնորդների միջև ծեծկռտուքով: 2008թ.-ին Նյու Յորքում գնորդների ամբոխը կոտրել է խանութի դուռը, ոտնատակ տալով սպանել խանութի աշխատակցին:

Black Friday-ն Եվրոպայում

Առաջին մասսայական «Սև ուրբաթը» Եվրոպայում կայացել է 2013թ.-ին: Այստեղ Սուրբծննդյան նախօրեին նախատոնական զեղչերի ավանդույթն արդեն վաղուց կար, ուստի զեղչերի օրն ավելի հանգիստ է անցնում, իսկ զեղչերի «ազնվությունը» վերահսկվում է պետության կողմից:

Black Friday-ն Ասիայում

Ասիայում «Սև ուրբաթ»-ին փոխարինում է «Կարմիր ուրբաթ»-ը, որը սովորաբար անցկացվում է հունվարի սկզբին: Զեղչերին միանում են նաև ինտերնետ-խանութները և խոշոր առևտրի կենտրոնները: