«Եթե Հայաստանի և Վրաստանի հետ համատեղ նախագիծ լինի՝ Վանի օդանավակայանը կարող է ամենամեծը լինել Թուրքիայում». Փայլան
Թուրքիայի ընդդիմադիր Ժողովրդադեմոկրատական կուսակցության անդամ, խորհրդարանի՝ Դիարբեքիրից ընտրված հայազգի պատգամավոր Կարո Փայլանը քննադատել է երկրի զբոսաշրջության և մշակույթի նախարարության վարած քաղաքականությունը՝ Արևմտյան Հայաստանի զբոսաշրջային քաղաքների, մասնավորապես՝ Վանի ու դրա պատմամշակութային ժառանգության օգտագործման առնչությամբ:
Փայլանը նշել է, որ Թուրքիան կարող է Հայաստանի ու Վրաստանի հետ համատեղ նախագծերի իրականացման շնորհիվ Վանի օդանավակայանը երկրում ամենախոշորը դարձնել իր տարողունակությամբ:
«Դուք Վանի նահանգի հետ կապված ոչ մի տեսլական չեք զարգացրել: Մինչդեռ Վանի օդանավակայանը կարող է իր տարողունակությամբ գերազանցել Անթալիայի օդանավակայանին: Եթե այնտեղ պրոֆեսիոնալ նախագիծ ներկայացվի, Հայաստանի և Վրաստանի հետ համատեղ նախագիծ լինի՝ Վանի օդանավակայանը կարող է ամենամեծը լինել Թուրքիայում: Վանի Էրդեմիթ (Արտամետ) շրջանն իսկական դրախտավայր է: Այստեղ 4000 տարվա ուրարտական թագավորության պատմություն կա: Արշիլ Գորկու գյուղը կա, հայկական եկեղեցիներ կան: Սակայն ի՞նչ է անում ձեր նշանակած պետական պաշտոնյան, հայկական գերեզմանատան վրա զուգարան է սարքում», - ասել է հայ պատգամավորը:
Փայլանը նաև քննադատել է Զբոսաշրջության և մշակույթի նախարարությանն իրենց հովանավորությամբ ստեղծվող թուրքական սերիալների համար, որոնք, ըստ հայազգի պատգամավորի, ատելություն են սերմանում Թուրքիայում ապրող այլազգիների նկատմամբ:
«Օրինակ՝ Աբդուլ Համիդի մասին սերիալը: Ֆիլմում բոլորը թուրք են, իսկ թուրք չհանդիսացողները դավաճանությունների մեջ են:
Նույնն էլ Էրթուղրուլի մասին հեռուստասերիալը: Եթե դուք ասում եք, թե բոլորը թուրք են, իսկ հայն ու հրեան միայն դավաճան են՝ ատելություն եք սերմանում: Ռադիոյի և հեռուստատեսության բարձրագույն խորհուրդը պետք է քննության առնի այս ամենը»,- ասել է պատգամավորը:
Փայլանը՝ Չավուշօղլուին. 110 տարի առաջ ձեր աթոռին հայ նախարար էր նստում
Տատիկիս պես որբերը մահացել են արդար հատուցում չտեսնելով․ Կարո Փայլան
Կարո Փայլանն Էրդողանից ներողություն է պահանջում «գյավուր» բառի գործածման համար
Պատերազմում հաղթող չկա, խաղաղությունը պարտվող չունի
Կարո Փայլանը կոչով դիմել է ԵԱՀԿ Մինսկի խմբին
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո