Նոր ռեկորդ․ Էրդողանը հրապարակել է 2018թ․ Թուրքիա այցելած ռուսաստանցիների թիվը

2018 թվականի առաջին ինն ամիսների ընթացքում 5,1 միլիոն ռուսաստանցիներ են այցելել թուրքական առողջարաններ, ինչը ռեկորդային ցուցանիշ է: Այս մասին «Թուրքական հոսք» գազատարի ծովային ճյուղի շինարարության ավարտին նվիրված հանդիսավոր արարողության ժամանակ հայտարարել է Թուրքիայի նախագահ Ռեջեփ Թայիփ Էրդողանը՝ գրում է life.ru-ն:

Էրդողանը նշել է, որ Անկարայի և Մոսկվայի միջև հարաբերությունները զարգանում են շատ դրական միտումով: Մասնավորապես, Էրդողանը նշել է Աքքույու ԱԷԿ-ի շինարարության մասին: Նա նաև նշել է, որ երկրների միջև ապրանքաշրջանառության աճը կազմում է 30 մլրդ դոլար:

Թուրքիայի ղեկավարի խոսքով՝ կողմերը մտադիր են այն հասցնել 100 միլիարդ դոլարի: