ԵՊՀ ուսանողները պահանջում են քայլեր ձեռնարկել ու վերադարձնել Ադրբեջանում գերեվարված Կարեն Ղազարյանին
Երեւանի պետական համալսարանի գլխավոր մասնաշենքի դիմաց մի քանի ուսանողներ բողոքի ցույց են սկսել։ Նրանք կառավարությունից պահանջում են գործնական քայլեր ձեռնարկել եւ վերադարձնել Ադրբեջանում գերեվարված՝ Տավուշի Բերդավան գյուղ բնակիչ Կարեն Ղազարյանին։
Ուսանողներն այս պահին քայլերթով գնում են դեպի կառավարության շենք։
Օրեր առաջ ՀՀ վարչապետի տիկին Աննա Հակոբյանն այցելել էր Ադրբեջանում գերեվարված Կարեն Ղազարյանի ընտանիքին՝ Տավուշի մարզի Բերդավան գյուղ։ Այցի նպատակն էր՝ տեսակցել Կարեն Ղազարյանի ծնողներին, տեղեկանալու Կարենի հոր՝ Արմեն Ղազարյանի առողջական վիճակից, ինչպես նաեւ պատասխանել ծնողներին հուզող հարցերին՝ իրենց որդու ներկա կարգավիճակի հետ կապված։
Հայաստանի մարդու իրավունքների պաշտպան Արման Թաթոյանն էլ օրերս Կարեն Ղազարյանի հարցով դիմել է ՄԱԿ-ի Մարդու իրավունքների հարցով գլխավոր հանձնակատարին եւ Եվրոպայի Խորհրդի Մարդու իրավունքների հանձնակատարին:
Հիշեցնենք, որ Ադրբեջանի պաշտպանության նախարարությունը 2018 թվականի 15-ին հաղորդագրություն էր տարածել, թե Հայաստանի զինուժի դիվերսիոն խումբը հայ-ադրբեջանական սահմանի Ղազախի շրջանի ուղղությամբ փորձել է հատել սահմանը։ Իսկ ադրբեջանական բանակի ստորբաժանումները հայտնաբերել ու հետ են մղել, իսկ խմբի անդամներից Կարեն Ղազարյանին գերեվարել են։ Պաշտպանության նախարարի մամուլի խոսնակ Արծրուն Հովհաննիսյանն էլ ֆեյսբուքյան իր էջում գրել էր, որ Կարեն Ղազարյանը չի ծառայում Զինված ուժերում, եւ որ պաշտպանության նախարար Դավիթ Տոնոյանը դիմել է ԿԽՄԿ Երեւանյան գրասենյակ ՀՀ քաղաքացի Կարեն Ղազարյանի վերադարձի կազմակերպման համար։
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
ԱՄՆ-ն համաձայնել է սառեցնել Իրանի դեմ պատժամիջոցները.Tasnim
Մասիսում հրդեհի հետևանքով կան զnհեր ու վիրավորներ