ԵԱՀԿ երևանյան գրասենյակի շուրջ քննարկումներ ԵԱՀԿ Մշտական խորհրդում. Ադրբեջանը դեմ է քվեարկել
Հունվարի 27-ին ԵԱՀԿ կենտրոնակայանում տեղի ունեցավ կազմակերպության Մշտական խորհրդի նիստը, որի օրակարգում էր ԵԱՀԿ երևանյան գրասենյակի մանդատի երկարաձգման հարցը։
Ելույթ ունենալով նիստին՝ ԵԱՀԿ Մշտական խորհրդի նախագահ, Ավստրիան ներկայացնող Կլեմենս Կոյան նշեց, որ ԵԱՀԿ Երևանի գրասենյակի մանդատի երկարաձգման շուրջ քննարկումների շրջանակներում մի երկիր, ըստ էության մատնանշելով Ադրբեջանին, մտահոգություն էր արտահայտել, որ գրասենյակի մարդասիրական ականազերծման ծրագիրը չի համապատասխանում առաքելության մանդատին։
Այս կապակցությամբ ԵԱՀԿ նախագահության հատուկ ներկայացուցիչը Երևան այցելության և տեղում կատարած ուսումնասիրությունների արդյունքում հանգել է եզրակացության, որ նշված ծրագիրը համապատասխանում է գրասենյակի մանդատին։ ԵԱՀԿ Մշտական խորհրդի նախագահն ընդգծեց, որ թե նախորդ՝ գերմանական, թե ներկայիս՝ ավստրիական նախագահությունները սատարում են այդ տեսակետը։
ԵԱՀԿ Մշտական խորհրդի նախագահն ափսոսանք հայտնեց, որ նույնիսկ այս պայմաններում հետաձգվում է երևանյան գրասենյակի մանդատի երկարաձգման որոշումը։ Նա ընգծեց, որ դա սպառնում է բացասական հետևանք ունենալ ԵԱՀԿ ողջ գործունեության վրա։
Որպես ստեղծված իրավիճակի հանգուցալուծման տարբերակ՝ ԵԱՀԿ նախագահությունը հորդորեց երևանյան գրասենյակին ձեռնպահ մնալ մարդասիրական ականազերծման այդ ծրագրի իրականացումից։ Նա նաև ընդգծեց, որ երևանյան գրասենյակի մյուս բոլոր ծրագրերն անխափան պետք է շարունակվեն։ ԵԱՀԿ-ում ավստրիական նախագահությունը երախտագիտություն հայտնեց Հայաստանին՝ որպես գրասենյակն ընդունող երկիր, հարցին ըմբռնումով մոտենալու համար։
Նիստի նախագահողը տեղեկացրեց, որ ԵԱՀԿ մասնակից որոշ երկրներ հետաքրքրություն են ցուցաբերել Հայաստանի հետ երկկողմ ձևաչափով այդպիսի ծրագրեր իրականացնել։ Ավստրիական նախագահությունը կոչ արեց ԵԱՀԿ մասնակից երկրներին աջակցել ԵԱՀԿ երևանյան գրասենյակի գործունեությանը, քանի որ դա կարևոր է ողջ կազմակերպության համար։
ԵԱՀԿ Մշտական խորհրդի նախագահը շնորհակալություն հայտնեց Հայաստանին՝ բացառիկ կառուցողական դիրքորոշման համար։
Ադրբեջանը հայտնվեց մեկուսացման մեջ և, հակառակվելով ԵԱՀԿ մասնակից 56 երկրներին, դեմ արտահայտվեց ԵԱՀԿ երևանյան գրասենյակի մանդատի երկարաձգմանը։
ԵԱՀԿ մասնակից մի շարք երկրների պատվիրակություններ, այդ թվում՝ Ռուսաստանը, ԱՄՆ, Եվրոպական միությունը, Կանադան, Շվեյցարիան, իրենց ելույթներում սատարեցին ԵԱՀԿ երևանյան գրասենյակի գործունեությունը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը