Իլհամ Ալիեւի հետ մեր պայմանավորվածությունները սուրբ են. Լուկաշենկո

Ադրբեջանի նախագահ Իլհամ Ալիեւը հաջորդ շաբաթ կայցելի Բելառուս։ Այս հարցի շուրջ խոսել են Բելառուսում Ադրբեջանի արտակարգ եւ լիազոր դեսպան Լատիֆ Գանդիլովը և Բելառուսի նախագահ Ալեքսանդր Լուկաշենկոն, հայտնում է «ԲԵԼՏԱ»–ն։

Լուկաշենկոն ուշադրություն է դարձրել այն հանգամանքին, որ տարվա սկզբից բելառուսա–ադրբեջանական ապրանքաշրջանառությունը ավելացել է ավելի քան 3 անգամ նախորդ տարվա նույն ժամանակահատվածի համեմատ. «Սա շատ լավ աճ է, հազիվ թե սրա նմանը կա մեկ այլ պետության հետ»,–նկատել է նա։

Լուկաշենկոն կանգ է առել հումանիտար ոլորտում բելառուսա–ադրբեջանական համագործակցության վրա՝ հատկապես կրթական շփումների գծով։ Մասնավորապես, շուրջ 500 ադրբեջանցիներ սովորում են Բելառուսում։

«Ադրբեջանի համար մեր դռները բաց են»,–նշել է Լուկաշենկոն՝ շեշտելով կրթական ու գիտական փոխանակումների կարեւորությունը։ Դուք պետք է իմանաք, որ մենք ձեր ընկերներն ենք եւ միշտ պատրաստ ենք ընդառաջ գնալ: Իլհամ Ալիեւի հետ մեր պայմանավորվածությունները սուրբ են, մենք պայմանավորվել ենք ու կկատարենք դրանք: Բելառուսը Ադրբեջանի հետ փակ թեմաներ չունի»,–հայտարարել է Բելառուսի նախագահը։

Դեսպանը նշել է, որ Ալիեւի՝ Մինսկ նախատեսված այցի շրջանակներում նախատեսվում է քաղաքականության, տնտեսության եւ հումանիտար ոլորտներում համագործակցության հարցով 10 փաստաթուղթ ստորագրել:

Լուրեր Հայաստանից - NEWS.am