Թուրքիայում նվազել է եվրոպացի ներդրողների թիվը, փոխարենը՝ ակտիվացել են արաբական երկրների քաղաքացիները

Թուրքիայում զգալիորեն նվազել է եվրոպացի ներդրողների ակտիվությունը, փոխարենը՝ ակտիվացել են արաբական երկրներից խոշոր ներդրողները, գրում է «Սյոզջու» պարբերականը՝ հղում անելով Թուրքիայի առևտրի պալատի ներկայացրած տվյալներին:

Հայտնի է, որ Թուրքիայում 2013 թվականից ի վեր հիմնվել է 34.175 նոր օտարերկրյա ընկերություն, որոնցից 15. 037-ը պատկանում են 13 արաբական երկրներից ներդրողների:

Փոխարենը՝ Ֆրանսիայից, Գերմանիայից, Մեծ Բրիտանիայից, Իտալիայից ու Իսպանիայից ներդրողների թիվը 50 տոկոսով նվազել է՝ ընդամենը 5.310 ընկերություն:

Թուրքիայում հաստատված օտարազգիների թվում ամենից շատ բիզնես հիմնողները սիրիացիներն են, նրանց հաջորդում են սաուդցիներն ու իրաքցիները:

Հիշեցնենք, որ ավելի վաղ Թուրքիայի նախագահ Ռեջեփ Թայիփ Էրդողանն արգելել էր խոշոր առևտրի կենտրոններում տարածքի վարձակալության գործարքներ իրականացնել ԱՄՆ դոլարով: