Այսօր կհանդիպեն Թուրքիայի, Ադրբեջանի և Վրաստանի ԱԳ նախարարները
Ստամբուլում, որտեղ նախօրեին ավարտվել է Թուրքիայի, Ռուսաստանի, Ֆրանսիայի և Գերմանիայի ղեկավարների՝ Սիրիայի հարցով գումարած գագաթնաժողովը, տեղի կունենա միջազգային ևս մեկ՝ այս դեպքում հարավկովկասյան ձևաչափով հավաք: Այսօր կհանդիպեն Թուրքիայի, Ադրբեջանի և Վրաստանի արտաքին գերատեսչությունների ղեկավարներ Մևլութ Չավուշօղլուն, Էլմար Մամեդյարովը և Դավիթ Զալկալիանին:
«Հանդիպման ընթացքում կքննարկվեն եռակողմ համագործակցության ոլորտում արձանագրած առաջընթացը և տարածաշրջանային ու համաշխարհային իրադարձությունները», - ասվում է Թուրքիայի արտաքին գործերի նախարարության մամլո հաղորդագրությունում:
Երեք երկրների ներկայացուցիչները կքննարկեն տնտեսական համատեղ ծրագրերի իրականացումը, մասնավորապես՝ տրանսպորտի և էներգետիկայի բնագավառներում:
Վերլուծաբանների կարծիքով՝ նախարարները կանդրադառնան Սիրիայի թեմային:
Ստամբուլում նախօրեին Ռեջեփ Էրդողանը, Վլադիմիր Պուտինը, Էմանյուել Մակրոնը և Անգելա Մերկելը քննարկել են Սիրիայի պատերազմին վերջ տալու ուղիները: Չորս ղեկավարները հայտնել են, որ մինչև այս տարեվերջ կստեղծվի հատուկ հանձնաժողով, որը պետք է աշխատի Սիրիայի ապագա Սահմանադրությունը կազմելու վրա:
Նախարարները հավանաբար տեղեկություններ կփոխանակեն ԱՄՆ-ի նախագահի ազգային անվտանգության հարցերով խորհրդական Ջոն Բոլթոնի Ռուսաստան և հարավկովկասյան երեք երկրներ՝ Ադրբեջան, Հայաստան և Վրաստան կատարած ուղևորության մասին:
Մոսկվայում, Բաքվում, Երևանում և Թբիլիսիում Բոլթոնն ի շարս այլ հարցերի քննարկել է Սիրիայի խնդիրը և Իրանի նկատմամբ Վաշինգտոնի քաղաքականության կոշտացումը:
Թուրքիայի, Հայաստանի և Ադրբեջանի հետ անմիջական սահմաններ ունեցող Իրանը վերջին ամիսներին ջանքեր է գործադրում ԱՄՆ-ի պատժամիջոցներին դիմանալու և սոցիալ-տնտեսական դժվարությունները հաղթահարելու համար:
Ընդ որում, Վաշինգտոնը նկատել է տալիս, որ գործընկեր պետություններից ակնկալում է Իրանի հանդեպ քաղաքականության որոշակի խստացում:
Թուրքիայի, Ադրբեջանի և Վրաստանի արտաքին գործերի նախարարները, ամենայն հավանականությամբ, նաև մտքեր կփոխանակեն տարածաշրջանի չկարգավորված այնպիսի խնդիրների շուրջ, ինչպիսին են վրաց-աբխազական, վրաց-հարավօսական և Լեռնային Ղարաբաղի հակամարտությունները:
Ստամբուլում այս ձևաչափով հանդիպումը թվով արդեն 7-րդն է: Նախորդ անգամ Թուրքիայի, Ադրբեջանի և Վրաստանի արտաքին գործերի նախարարները հանդիպել են 2017 թվականին Ադրբեջանի մայրաքաղաքում:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո