Փնտրվում են մարդիկ, որոնք գիտեն ընտրելու ձեւը
«Քաղաքացիներն ընդհանրապես պատկերացում չունեն նոր ընտրակարգի վերաբերյալ»,-այսօր լրագրողների հետ հանդիպման ժամանակ ասաց «Իրազեկ և պաշտպանված սպառող» ՀԿ նախագահ Բաբկեն Պիպոյանը: Նրա խոսքով՝ կազմակերպությունը բազմաթիվ հեռախոսազանգեր է ստանում սպառողներից այս հարցով:
«Մարդիկ փնտրում են մարդկանց, որոնք գիտեն ընտրական համակարգը: Հիմնական մոլորությունը ռեյտինգային համակարգն է: Տարիներ շարունակ քաղաքացիները գնացել են ընտրական տեղամաս և կատարել միաժամանակ երկու ընտրություն՝ մեծամասնականով ընտրել են իրենց համապատասխան պատգամավոր, իսկ համամասնականով՝ քաղաքական ուժի: Սա դուրս չի եկել դեռևս մեր իրականությունից, հատկապես այն դեպքում, երբ ռեյտինգային թեկնածուները քարոզարշավ են իրականացնում ակտիվ, անհատական պաստառներով, և շատերը փորձում են ընտրել թեկնածուի և քաղաքական ուժի՝ առանց գիտակցելու, որ անձի ընտրությունն ավտոմատ կերպով քաղաքական ուժի ընտրություն է»,- ասաց Պիպոյանը:
Նա նշեց, որ թե իշխանական, թե ընդդիմադիր ուժերը պետք է մանրամասն իրազեկեն քաղաքացուն նոր ընտրակարգի վերաբերյալ, ինչը պատշաճ ձևով չի արվում. «Մարդիկ չգիտեն, որ ամենևին էլ պարտադիր չէ ընտրել ռեյտինգային թեկնածու»:
Ի դեպ, «Իրազեկ և պաշտպանված սպառող» ՀԿ-ն որոշել է մինչ ապրիլի 2-ը ժամանակավորապես դադարեցնել գործունեությունը, քանի որ քարոզարշավի ընթացքում սպառողների իրավունքների պաշտպանությունը շատ քաղաքական ուժեր դիտարկում են որպես իրենց վրա ճնշում:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...