Արտահանման նպատակով մարիխուանայի աճեցման շուրջ քննարկումները շարունակվում են

Վրաստանի իշխող «Վրացական երազանք» կուսակցության հիմնադիր-նախագահ Բիձինա Իվանիշվիլին կարծում է, որ արտահանման նպատակով մարիխուանայի արտադրությունը տնտեսական առումով կարող է շատ շահավետ լինել, սակայն եթե եկեղեցին ու հասարակությունը դրան դեմ լինեն, ապա նրանց դիրքորոշումը պետք է հաշվի առնել, գրում է ՌԻԱ Նովոստի գործակալությունը:

Ավելի վաղ Վրաստանի վարչապետ Մամուկա Բախտաձեն հայտարարել էր, որ կառավարությունը դիտարկում է բժշկական նպատակներով մարիխուանայի աճեցման ու արտահանման օրինականացման հնարավորությունը: Նրա խոսքով՝ կանեփի աճեցումը խստորեն կկարգավորվի:

«Այն, որ պատրիարքությունը մտահոգված է, ինձ համար հասկանալի է, քանի որ վրաց եկեղեցին հոգ է տանում ժողովրդի մասին…Քննարկումները թեմայի շուրջ շարունակվում են, ու եթե մեզ վստահեցնեն, որ այն իրոք ռիսկեր է պարունակում, ապա «Վրացական երազանք»-ի թիմը չի գնա հասարակության դեմ»,- ասել է Իվանիշվիլին:

Նշենք, որ Վրաստանում հոկտեմբերի 28-ին անցկացվելու են նախագահական ընտրություններ: Նախագահը կընտրվի ոչ թե 5, այլ 6 տարի ժամկետով: Վրաստանի ԿԸՀ-ն գրանցել է 25 թեկնածուի:

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք