Փաշինյանը մատների արանքով նայեց. Շարմազանովը՝ ԱՄՆ դեսպանի հայտարարության մասին
Սա պատահական հայտարարություն չէ, այս հայտարարությանը պետք է շատ լուրջ վերաբերվել. համոզված եմ, որ Փաշինյանն ինքն էլ շատ լավ գիտակցում է նման հայտարարությունների վտանգավոր լինելը, եթե չի գիտակցում, շատ ավելի վտանգավոր ՀՀ եւ Արցախի համար։ Այս մասին NEWS.am–ի հետ հարցազրույցում ասաց ՀՀԿ մամուլի խոսնակ Էդուարդ Շարմազանովը՝ մեկնաբանելով ՀՀ–ում ԱՄՆ դեսպան Ռիչարդ Միլսի՝ տարածքներ հանձնելու անխուսափելիության մասին հայտարարության՝ Փաշինյանի մեկնաբանությունը, թե դա հեռացող դեսպանի հեռացող հայտարարություն է։
«Պարոն դեսպանը գլխիվար շուռ է տվել իրականությունը, պետք է խոսել ոչ թե հետեւանքներ, այլ պատճառի վերացման մասին։ Խոսել ոչ թե այս կամ այն տարածքը վերադարձնելու, այլ նախ եւ առաջ, թե ինչն է ծնել այդ կոնֆլիկտը։ Իսկ կոնֆլիկտը ծնվել է, քանի որ Ադրբեջանը հրաժարվեց ճանաչել Արցախի ժողովրդի ինքնորոշման աստվածատուր իրավունքը։ Փախստականները, տարածքները հետեւանք են, պատճառը Արցախի ինքնորոշման իրավունքն է։ Առանց Արցախի կարգավիճակի հստակեցման, առանց Արցախի ժողովրդի կամքի արտահայտման որեւէ հարց անհնար է լուծել։ Ոչ Փաշինյանը, ոչ Պողոսյանը, ոչ Պետրոսյանը իրավունք չունի Արցախի ժողովրդի փոխարեն որոշում կայացնելու»,–ասաց Էդուարդ Շարմազանովը։
Միջազգային իրավական տերմինաբանությամբ նա բացատրեց, որ դրանք օկուպացված տարածքներ չեն. «Օկուպացվածն այն է, երբ պլանավորված որոշել ես գնալ, գրավել եւ այդ բնակչությանը փախստական դարձնել։ Ո՛չ, դրանք եղել են կրակակետեր, որոնց լռեցումը կենսական նշանակություն է ունեցել Արցախում ապրող յուրաքանչյուր հայ մարդու համար եւ այդ տարածքներից ամեն օր Արցախի Հանրապետության տարբեր բնակավայրերի նկատմամբ հազարավոր հրետակոծություններ էին կատարվում»։
Նա ընդգծեց, որ եթե Ադրբեջանը ճանաչի Արցախի ժողովրդի ինքնորոշման իրավունքը, գործընթացն առաջ կգնա, իսկ չճանաչի, փախստականների ու տարածքների մասին խոսելը երկրորդական հարցեր են։
«Սա պետք է լինի մեր նոր իշխանության եւ մեր նոր ընդդիմության նպատակը։ Այստեղ մենք պետք է միավորվենք, որ կարողանանք անվտանգության համակարգը ամրապնդել եւ ամբողջովին իրացնել Արցախի ժողովրդի ինքնորոշման իրավունքը,–ասաց Էդուարդ Շարմազանովը։
ՀՀԿ մամուլի խոսնակի համոզմամբ՝ ՀՀ–ում ԱՄՆ դեսպանի սկանդալային հայտարարության մասին ՀՀ ԱԳՆ–ն պետք է հստակ գնահատական հնչեցներ։
Լուրեր Հայաստանից - NEWS.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...