Ռուսաստանյան լրատվամիջոցները՝ Փաշինյանի հրաժարականի մասին
Ռուսաստանյան գրեթե բոլոր լրատվամիջոցներն այսօր անդրադարձել են Հայաստանի վարչապետ Նիկոլ Փաշինյանի հրաժարականին:
«Նովայա գազետան», օրինակ, «Փաշինյանը հեռացել է, որ վերադառնա»
վերնագրով հոդված է հրապարակել այսօր, որում պատմում է Հայաստանյան
զարգացումների տրամաբանությունն ու հնարավոր սցենարը։ Հոդվածի հեղինակը
նշել է նաև հոկտեմբերի 2-ի հանրահավաքը, երբ Փաշինյանի կոչով Ազգային
ժողովի մոտ էին հավաքվել տասնյակ հազարավոր մարդիկ:
«Մատի մի շարժումով նա կարողացավ մեկ ժամում՝ աշխատանքային օրվա
ավարտին, 30 հազար մարդ հավաքել փողոցում», - գրել է «Նովայա գազետան»:
Ռուսական մամուլը գրում է, որ Փաշինյանն այսօր ունի հասարակության
առնվազն 80 տոկոսի աջակցությունը և գրեթե բացառում է այնպիսի սցենարը, որ
Փաշինյանի դե յուրե հրաժարականը վերածվի դե ֆակտո հրաժարականի։
«Կոմերսանտն» իր ավանդույթի համաձայն հերթական հոդվածն է նվիրել
ներհայաստանյան իրադարձություններին՝ «Փաշինյանը հեռացավ լրացուցիչ ուժեր
գտնելու համար, Մոսկվան դժգոհ է» վերնագրով:
Ընդ որում՝ Մոսկվան տվյալ դեպքում Պետդումայի ԱՊՀ և եվրասիական
ինտեգրման հարցերով հանձնաժողովի ղեկավարի տեղակալ Կոնստանտին Զատուլինն է,
ով ասել է, որ ընտրությունների շուրջ այս անվերջ վազվզոցը հետին պլան է
մղել այն հարցերը, որ բնակչության դժգոհության պատճառ էին դարձել։ Խոսքը
տնտեսության զարգացման և ներդրումների մասին է։ Զատուլինը հույս է հայտնել,
որ ընտրություններից հետո Հայաստանի իշխանությունները կսկսեն զբաղվել
տնտեսական հարցերով։
Ռուսաստանյան պետական «ՌԻԱ Նովոստի» գործակալությունը Փաշինյանի
հրաժարականը մեկնաբանելու համար դիմել է երկրորդ նախագահ Ռոբերտ
Քոչարյանին։ Քոչարյանը գործակալությանն ասել է, որ իր կարծիքով արտահերթ
ընտրությունների հետևանքով Հայաստանում կհաստատվի քաղաքական մենաշնորհ: Նա
մտավախություն է հայտնել, որ էյֆորիայի պայմաններում չի հաջողվի ձևավորել
արժանի խորհրդարան: Հայաստանի երկրորդ նախագահի խոսքով` լիակատար
իշխանությունը նաև լիակատար պատասխանատվություն է ենթադրում: - «Կձևավորվի
նոր իշխանություն, որը կարտացոլի հանրության այսօրվա տրամադրությունը, և
այս պահից սկսած այդ իշխանությունը պետք է լիակատար պատասխանատվություն կրի
այն ամենի համար, ինչ տեղի է ունենում երկրում», - ասաց Քոչարյանը:
«Ռաշա Թուդեյն» էլ իր հոդվածում հիշում է, որ հրաժարականի նախօրեին
Հայաստանի փոխվարչապետ Արարատ Միրզոյանը հանդիպել է Հայաստանում Ռուսաստանի դեսպան Սերգեյ Կոպիրկինի հետ և քննարկել արտահերթ ընտրությունների հարցը։
Ռուսական մամուլը ներհայաստանյան զարգացումները դիտարկում է նախ և առաջ
հայ-ռուսական հարաբերությունների տեսանկյունից: Մասնավորապես,
«Գազետա․ռու»-ն իր հոդվածում այսօր գրում է․- «Փաշինյանը փորձում է
պրագմատիկ քաղաքականություն վարել Ռուսաստանի հետ։ Սեպտեմբերի սկզբին նա
հանդիպել է Պուտինի հետ Մոսկվայում։ Կողմերը քննարկել էին հայ ռուսական
դաշնակցային հարաբերությունների զարգացման հետ կապված հարցեր,
համագործակցությունը Եվրասիական միությունում և ՀԱՊԿ-ում, իսկ Հայաստանի
պաշտպանության նախարար Դավիթ Տոնոյանի մոսկովյան այցից հետո Հայաստանի
իշխանությունները հայտարարել են, որ Երևանը քննարկում է Մոսկվայից հարյուր
միլիոն դոլարի ռազմական նոր վարկ ստանալու հնարավորությունը»:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...