«Ժամացույց-տղան». ռուսական հաղորդմանը հյուրընկալված հրազդանցի տղան զարմացրել է բոլորին ժամը գուշակելու անսովոր ունակությամբ (տեսանյութ)

Ռուսական «Россия 1» հեռուստաալիքով հեռարձակվող «Զարմանալի մարդիկ» հաղորդմանը հյուրընկալված հայ տղան՝ Արթուր Միքայելյանը, զարմացրել է ոչ միայն հեռուստադիտողներին, այլև ժյուրիի անդամներին:

Հայաստանի Հրազդան քաղաքից Արթուրը տիրապետում է անսովոր ունակության՝ նա կարողանում է հստակ ասել, թե ժամը քանիսն է՝ բոլորովին չնայելով ժամացույցին:

Այդպես նա մի քանի անգամ ճիշտ գուշակել է ժամը Մոսկվայի մի քանի տարբեր շրջաններում՝ աչքերը փակ վիճակում: Դրանից հետո հայ տղան շարունակել է բոլորին զարմացնել արդեն հեռուստահաղորդման ստուդիայում:

Ըստ հեռուստադիտողների քվեարկության՝ Արթուրը զբաղեցրել է երկրորդ տեղը, սակայն հիացած ժյուրին որոշել է օգտագործել իր իրավունքն ու տղային ուղեգիր նվիրել դեպի եզրափակիչ:

Տեսանյութի այդ հատվածը կարող եք դիտել 29.56 րոպեից.