Շարունակում են խոսել անցումային արդարադատությունից
Քվազիժողովրդավարությունից
իրական ժողովրդավարության անցման համար երկիրը անցումային արդարադատության
մարմինների կարիք ունի: Այս մասին հայտարարեց առաջին փոխվարչապետ Արարատ
Միրզոյանը՝ ելույթ ունենալով Կանադայի Զորյան ինստիտուտի եւ Հայաստանում
Ամերիկյան համալսարանի կազմակերպած համաժողովին, որը նվիրված է անցումային
արդարադատությանը:
Ինչպես շեշտեց Միրզոյանը, վերջին ավելի քան 2 տասնամյակում
երկրում եղել են մարդու իրավունքների զանգվածային խախտումներ,
ընտրությունների կեղծումներ, ապօրինի հարստացում, ստվերային տնտեսություն:
Վերջին արմատական փոփոխություններից եւ իշխանությունը ժողովրդին
վերադարձնելուց հետո արդարադատության գործող համակարգը չի կարող եւ,
հավանաբար, կոչված չէ խնդիրները լուծելուն: Քվազիժողովրդավարությունից
իրական ժողովրդավարության անցման համար երկիրը անցումային արդարադատության
կարիք ունի, հիշեցրեց Միրզոյանը:
Նրա խոսքով՝ նպատակները հստակ են՝ որպես իրողություն ընդունել անցյալի
ժառանգությունը, գրանցել խախտումները: Անցումային արդարադատության միջոցով
լուծել երկրի առջեւ ծառացած խնդիրները: Հաշվետվողականություն ապահովել եւ
արդարադատությանը ծառայել՝ հասնելով հասարակական հաշտության: «Դրա համար
անհրաժեշտ են ինստիտուցիոնալ բարեփոխումներ, համապատասխան մարմինների
ստեղծում: Անցումային արդարադատությունը պետք է գործի բացառապես օրենքի
շրջանակում, այն կոչված է գոյություն ունեցող համակարգը լրացնելուն եւ
ամենեւին հեղափոխական տրիբունալ չէ»,- նշեց Միրզոյանը: Նրա խոսքով՝
անհրաժեշտ է որոշել տուժածների շրջանակը, ստեղծել երկխոսության հարթակ,
պատմության ուսումնական ձեռնարկներում ապահովել արդարության արտացոլումը եւ
սահմանել հիշատակի միջոցառումներ, որ ապագայում խուսափենք նման բանի
կրկնությունից: «Գլխավոր սկզբունքն է՝ ցանկացած գործողություն եւ գործընթաց
պետք է լինի Սահմանադրության եւ միջազգային պարտավորությունների
համաձայն»,- հայտարարեց Միրզոյանը:
Հիշեցնենք, որ անցումային արդարադատության մասին առաջին անգամ հանրահավաքի ժամանակ հայտարարել է վարչապետ Նիկոլ Փաշինյանը:
Լուրեր Հայաստանից - NEWS.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...