Աշոտյանը համոզված է, որ ամեն ինչ նախապես ծրագրված էր
Կեսօրից հետո ամենայն հավանականությամբ ՀՀԿ-ի անունից հայտարարություն կտարածվի, որտեղ մենք մեր ընդհանրական գնահատականները կտանք երեկվա իրադարձություններին՝ այդ թվում վարչապետի հետ հանդիպման մասին: Այս մասին այսօր՝ հոկտեմբերի 3-ին, ԱԺ-ում լրագրողների հետ զրույցում ասաց ԱԺ ՀՀԿ խմբակցության պատգամավոր Արմեն Աշոտյանը:
«Հանդիպում բառը պատահական չէ, որ օգտագործում եմ, քանի որ այդ հանդիպումը բանակցություն չէր, քանի որ վարչապետն ասաց, որ եկել էր ուղղակի իրազեկելու պատգամավորներին իր քաղաքական որոշումների մասին: Դա երկար, խորը խոսակցություն էր, որի գնահատականը տվեց հենց Նիկոլ Փաշինյանը, որպես իրազեկում: Ես երեկվա մեր հանդիպման բովանդակությունը հիմա շատ չեմ մանրամասնի, կարծում եմ, որ ՀՀԿ խմբակցության հայտարարության մեջ դուք նաեւ տողատակեր կկարդաք»,-ասաց նա:
Աշոտյանի կարծիքով արտահերթ խորհրդարանական ընտրությունները դեկտեմբերին անցկացնելը Փաշինյանի կողմից նախապես ծրագրավորված է եղել:
«Ասեմ, որ ստացել եմ կայուն տպավորություն, եթե չասեմ նաեւ տեղեկացված եմ, որ Նիկոլ Փաշինյանի հրաժարական տալը եւ գնալ արտահերթ ընտրությունների նախապես ծրագրված գործողությունների ծրագիր էր: Դրա մասին նա խոսեց մինչեւ օրենքի ընդունումը, դեռ Վահրամ Բաղդասարյանի հետ հանդիպումից հետո եւ ստացա տպավորութուն, որ օրինագծի երեկվա քննարկումն ու ընդունումը պարզապես պատրվակ էր սեփական քաղաքական ծրագրերը կյանքի կոչելու»,- ընդգծեց Աշոտյանը:
Նա նշեց, որ դեկտեմբերին արտահերթ ընտրություններ անցկացնելու հարցում իր մտահոգությունն այն է, որ ժամանակ է պետք նոր իրավիճակին քաղաքական ուժերի ադապտացվելու համար. «Հիշեցնեմ, որ դեռ մայիսին, երբ վարչապետ Նիկոլ Փաշինյանը ծրագիրն էր ներկայացնում, ԱԺ ամբիոնից ասաց, որ ընտրական օրենսգիրքը բարելավելու կարիք կա, ակնհայտ է, որ քաղաքական շատ ուժեր կարիք ունեն ադապտացվելու, կարիք ունեն նոր ընտրական օրենսգրքի եւ հավասաար հնարավորությունների եւ համապարփակ քաղաքական դաշտի ստեղծումը շատ կարեւոր է: Եթե վարչապետի եւ իր քաղաքական թիմի խնդիրն այն է, որ ուզում են պարզապես կապիտալիզացնել ԱԺ 2/3-ը որպես մանդատներ, ԱԺ-ում ունենալ մեծամասնություն, դա մտահոգություն է»:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...