Թուրքիային ժողովրդավարության ու մարդու իրավունքների դասեր չփորձեք տալ. Չավուշօղլուն՝ Գերմանիային

Թուրքիայի ԱԳ նախարար Մեւլութ Չավուշօղլուն Համբուրգում Թուրքիայի հյուպատոսության շենքում իր դժգոհությունն է հայտնել գերմանական իշխանությունների կողմից իրեն դահլիճ չտրամադրելու համար։

Թուրքական Demokrathaber կայքի փոխանցմամբ՝ Թուրքիայի ԱԳ նախարար Մեւլութ Չավուշօղլուն նշել է, թե ինքը պարզապես ցանկացել է Գերմանիայի թուրքական համայնքի հետ հանդիպել եւ բարեկամ երկիր Գերմանիայի դեմ որեւէ քաղաքական հայտարարությամբ հանդես գալու ցանկություն չի ունեցել։ Չավուշօղլուն շեշտել է, թե գերմանական իշխանությունները տարբեր պատճառաբանություններով հրաժարվել են թուրքական համայնքի հետ հանդիպման համար իրեն դահլիճ տրամադրել։

«Երբ այդ դահլիճները տարբեր միջոցառումների համար տրամադրում էին, խնդիր չկար, սակայն Թուրքիայի ԱԳ նախարարի դեպքում այնտեղ խնդիրներ առաջացան։ Թող Գերմանիան չփորձի Թուրքիային ժողովրդավարության ու մարդու իրավունքների դասեր տալ»,-ասել է Թուրքիայի ԱԳ նախարարը։

Նշենք, որ Գերմանիայի իշխանությունները չեղարկել են Թուրքիայի Արդարադատության ու ԱԳ նախարարի հանդիպումները թուրքական համայնքի հետ։

news.am

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով