Արդեն լավ եմ ինձ զգում, ուզում եմ դուրս գրվել. «Հաց բերողը» տեղափոխվել է հիվանդասենյակ
Երեւանի «Արմենիա» ԲԿ-ում գտնվող, «Սասնա ծռեր» խմբին սնունդ հասցնելու մեջ մեղադրվող Արթուր Սարգսյանի հիվանդասենյակը մարդաշատ էր: Հիվանդասենյակի անկյունում գտնվող մահճակալին պառկած «Հաց բերողն» իր կատակներով եւ ժպիտով էր փորձում փարատել իրեն տեսակցության եկած հարազատների անհանգստությունը: 25 օր տեւած հացադուլից հետո Արթուր Սարգսյանը համեմատաբար կազդուրվել է, բայց բժիշկների պնդմամբ դեռ պետք է մնա բժիշկների հսկողության տակ: Չնայած այսօր է Վերակենդանացման բաժանմունքից տեղափոխվել հիվանդասենյակ, նա հուսով է՝ շուտով դուրս կգրվի հիվանդանոցից եւ կվերադառնա տուն:
Նրա խոսքով՝ իրեն արդեն լավ է զգում, ինքնազգացողությունը բավարար է, կարողանում է նորմալ սնվել:
«Արդեն լավ եմ ինձ զգում, ինքնազգացողությունս լավ է»,-NEWS.am-ի թղթակցի հետ զրույցում ասում է «Հաց բերողը»՝ նշելով, որ գոհ է հիվանդանոցում իրեն ցուցաբերված բուժօգնությունից :
Արթուր Սարգսյանը գտնվում է «Արմենիա» բժշկական կենտրոնի Աղեստամոքսային բաժանմունքում:
Արթուր Սարգսյանի խափանման միջոցը մարտի 6-ին դատախազի որոշմամբ փոփոխվել էր, նա «Դատապարտյալների հիվանդանոց» ՔԿՀ-ից տեղափոխվել էր «Արմենիա» բժշկական կենտրոն:
Հիշեցնենք, որ «Սասնա ծռեր» զինված խմբին օժանդակելու մեջ մեղադրվող Արթուր Սարգսյանն ազատ էր արձակվել 2016 թվականի դեկտեմբերի 31-ին, քանի որ ազատազրկման հետ անհամատեղելի հիվանդություն ուներ: Փետրվարի 9-ին, սակայն, նա կրկին կալանավորվել էր: Արթուր Սարգսյանը հացադուլ է հայտարարել եւ պահանջում է փոխել իր խափանման միջոց կալանքը:
Լուսանկարը Սյուզան Սիմոնյանի ֆեյսբուքյան էջից


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
13-ամյա աղջիկը ընկել է դպրոցի պատուհանից
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս