Ադրբեջանցի ընդդիմադիրը դատապարտվել է 6 տարվա ազատազրկման

Բաքվի ծանր հանցագործությունների դատարանը 6 տարվա ազատազրկման է դատապարտել «Ազգային ճակատ» ընդդիմադիր կուսակցության անդամ Օրհան Բախըշլըին: Երիտասարդ ակտիվիստը մեղավոր է ճանաչվել խոշոր չափերով թմրանյութերի ապօրինի շրջանառության մեջ:

Բախըշլըն ձերբակալվել է մայիսի 6-ին, ադրբեջանցի իրավապահները պնդում են, թե նրա մոտ 6 գրամ հերոին տեսակի թմրանյութ է հայտնաբերվել:

Ակտիվիստը կտրականապես հերքել է մեղադրանքը՝ պնդելով, որ ոստիկաններն են իր գրպանում դրել թմրանյութը:

Ձերբակալությունից մի քանի օր առաջ ակտիվիստը մասնակցել էր Մամուլի ազատության օրվան նվիրված բողոքի ակցիային, որի ժամանակ հայտարարել էր, թե «լրագրող Էլմար Հուսեյնովին սպանել են երկրի իշխանությունները»: Բախըշլըի գործընկերների կարծիքով՝ հենց այդ հայտարարությունն է դարձել ձերբակալության պատճառ:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»