ՀՔԾ-ի գործունեությունը շարունակում է զարմացնել. Սամվել Մարտիրոսյանը մտահոգ է
«Yerevan.today» լրատվական կայքի խմբագրությունում սեպտեմբերի 17-ին խուզարկություն է տեղի ունեցել:
ՀՀ քննչական կոմիտեի եւ Ոստիկանության 6-րդ վարչության աշխատակիցները խուզարկությունն իրականացրել են ԱԱԾ տնօրենի եւ ՀՔԾ պետի հեռախոսազրույցը գաղտնալսելու փաստի առթիվ հարուցված քրեական գործի շրջանակներում:
«Yerevan. today»-ի խմբագիր Սեւակ Հակոբյանը լրագրողներին հայտնել է, որ ենթադրվում է, թե խմբագրությունը ԱԱԾ տնօրենի եւ ՀՔԾ պետի հեռախոսազրույցը բոլորից շուտ է տարածել եւ հետևաբար, խմբագրությունն էլ ձայնագրել է:
Ըստ Google որոնողական համակարգի, Yerevan.today կայքը դեռեւս սեպտեմբերի 10-ին է հրապարակել և հետո ջնջել ՀՀ Ազգային անվտանգության ծառայության տնօրեն Արթուր Վանեցյանի եւ Հատուկ քննչական ծառայության ղեկավար Սասուն Խաչատրյանի գաղտնալսված հեռախոսազրույցի ձայնագրությունը:
Մեդիափորձագետ, ՏՏ անվտանգության մասնագետ Սամվել Մարտիրոսյանը «Ա1+»-ին հայտնեց, որ Google որոնողական համակարգի այդ տվյալները տեխնիկական խոտանի արդյունքն են:
«Դա միանշանակ Google-ի անհասկանալի տեխնիկական խոտան էր: Ենթադրում եմ, որ էջի ծրագրային մասի տվյալների վրա է հիմնվում, այլ ոչ թե տեղադրված տեքստի։ Իմաստն այն է, որ եթե ինչ-որ բան որոնում ես, տակը գրում է, թե երբ է այդ էջը Google-ը իր մոտ պահեստավորել:
Համակարգը տարբեր լրատվականների համար սխալ օրեր էր ցույց տալիս։ Եթե այդպես վերցնենք, ապա Hraparak.am-ի հղումը Google-ը ընդհանրապես ցույց էր տալիս ավելի վաղ, քան Յութուբում հայտնվել էր տեսանյութը։
Հուսանք, որ դա չի խուզարկության հիմք դրվել, թե չէ դա մի քիչ տարօրինակ պատճառ է, մեղմ ասած», – ասաց Մարտիրոսյանը:
«Yerevan. today»-ի խմբագրի խոսքով, խուզարկությունից հետո 4-5 սկավառակներ ու խմբագրի համակարգիչն են տարել եւ խմբագրության աշխատանքը պարալիզացվել է:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...