Փոթորկի դեմ «դժվարությամբ դիմադրող» ամերիկացի հաղորդավարի զվարճալի տեսանյութը (տեսանյութ)

So dramatic! Dude from the weather channel bracing for his life, as 2 dudes just stroll past. #HurricaneFlorence pic.twitter.com/8FRyM4NLbL

— Tony scar. (@gourdnibler) 14 сентября 2018 г.

Սոցցանցերի օգտատերերին զարմացրել է ամերիկյան The Weather Channel-ի եղանակային տեսության հաղորդավարը, ով իր ռեպորտաժում թատերականացված պայքարում էր «Ֆլորենս» փոթորկի դեմ: Անսովոր ռեպորտաժի տեսանյութը Twitter-ում հրապարակել է Tony Scar անունով օգտատերը, գրում է The Daily Mail-ը:

«Այնքան դրամատիկ է: The Weather Channel-ից տղան պայքարում է կյանքի համար մինչ երկու տղամարդ հանգիստ քայլելով անցնում են նրա կողքով»,- գրել է նա:

Տեսանյութում երևում է, թե ինչպես է հաղորդավար Մայք Սեյդելը Հյուսիսային Քարոլինայի Վիլմինգթոն քաղաքում պատմում փողոցում եղանակի մասին՝ պաշտպանվելով քամու ուժեղ հոսանքներից և անձրևից և մի կերպ կանգնած մնալով իր տեղում: Ռեպորտաժում, սակայն, որոշ ժամանակ անց նրա հետևում երկու երիտասարդ է երևում, որոնք թեթև շորերով են և սովորական արագությամբ քայլում են՝ ասես եղանակը բոլորովին նրանց վրա չի ազդում:

 Ավելի ուշ The Weather Channel-ի ներկայացուցիչները պարզաբանել են, որ անցորդները քայլում էին ասֆալտով, իսկ հաղորդավարը կանգնած էր թաց խոտի վրա, ինչի հետևանքով էլ ստացվել է ծիծաղելի տպավորությունը:

 So dramatic! Dude from the weather channel bracing for his life, as 2 dudes just stroll past. #HurricaneFlorence pic.twitter.com/8FRyM4NLbL

— Tony scar. (@gourdnibler) September 14, 2018