«Հերիք չի՞ էդ մակարոնեղենը կախեք մեր քաղաքացիների ականջներին»
Խորհրդարանն ունի լիազորություններ, խորհրդարանի գործունեությունից վախենալ պետք չէ։ Այս մասին այսօր՝ սեպտեմբերի 13-ին ԱԺ արտահերթ նիստին հայտարարեց ՀՀԿ խմբակցության պատգամավոր Արմեն Աշոտյանը։
Պատգամավորը շեշտեց՝ Գլխավոր դատախազության կողմից ԱԱԾ տնօրենի եւ ՀՔԾ պետի կողմից առերեւույթ պաշտոնական լիազորություններն անցնելու հարցով քրեական գործի հարուցման լուրից հետո իշխանական քարոզիչներն ու մի քանի միամիտ մարդիկ սոցցանցերում գրում էին, որ սա այն Հայաստան է, որտեղ երազում են ապրել, սակայն իրականությունն այլ է․ «Պարզեցինք՝ ինչո՞ւ է հարուցվել գործը։ Գործը հարուցվել է բացառապես կանխելու եւ խոչընդոտելու համար Ազգային ժողովի կողմից իր սահմանադրական իրավունքների լիարժեք իրականացումը։ Ինչի՞ց եք վախենում, պարոնա՛յք։ Ինչի՞ց եք վախենում, երբ ափալ-թափալ, նիստից մի օր շուտ, գիշերը գործ եք հարուցում: Հերիք չի՞ էդ մակարոնեղենը կախեք մեր քաղաքացիների ականջներին»:
Նա կարծիք հայտնեց, որ Քննիչ հանձնաժողովի աշխատանքը չպետք է լինի քաղաքական, այն պետք է ունենա մի քանի սկզբունք․ «Առաջինը՝ մաքսիմալ թափանցիկություն՝ բոլոր նիստերը պետք է առցանց հեռարձակվեն, երկրորդ՝ չվախենալ անուններից եւ կանչել ու հարցաքննել բոլորին, ում ուզեն՝ Նիկոլ Փաշինյանից սկսած, Յուրի Խաչատուրովով վերջացրած, երրորդ՝ պետք է գտնել ճշմարտությունը, որքան էլ ծանր այն լինի անհատների, քաղաքական ուժերի կամ հասարակության համար»:
«Քարոզչական հնարքները եւ շինծու արդարադատության մանիպուլյատիվ տեղեկատվական տեխնոլոգիաների արգասիքը մի բերեք խորհրդարան։ Խորհրդարանի իրավաբաններն ու պատգամավորները գտել են փայլուն ձեւը, թե ինչպես շրջանցել երեկ դրված այդ արգելքը»,-եզրափակեց պատգամավորը։
Ավելի վաղ NEWS.am-ը հայտնել էր, որ օրեր առաջ համացանցում հրապարակվել էր ԱԱԾ տնօրեն Արթուր Վանեցյանի եւ ՀՔԾ պետ Սասուն Խաչատրյանի հեռախոսազրույցի ձայնագրությունը, որտեղ նրանք անդրադառնում են «Մարտի 1»-ի գործին, այդ գործով որպես մեղադրյալներ անցնող Ռոբերտ Քոչարյանի կալանավորման խնդրին, նաեւ ՀԱՊԿ գլխավոր քարտուղար Յուրի Խաչատուրովի եւ պաշտպանության նախկին նախարար Միքայել Հարությունյանի դեմ հարուցված քրեական գործերին: Ձայնագրության իրական լինելը ընդունել է ինչպես վարչապետ Նիկոլ Փաշինյանը, այնպես էլ զրույցի մասնակիցները: Զրույցի ընթացքում Վանեցյանը զրուցակցին ասում է Քոչարյանին բանտարկելու անհրաժեշտության մասին: Դրանից բացի, զրուցակիցները քննարկում են Խաչատուրովի կալանավորման հարցը: Վանեցյանը նշում է, որ այս դեպքում պետք է զգույշ լինել, քանի որ Մոսկվայի հետ հարաբերությունները փչացնելու հավանականություն կա: ՀՔԾ ղեկավարը հանգստացնում է՝ վստահեցնելով, որ Խաչատուրովի կալանավորման համար բոլոր հիմքերը կան:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...