Ռուսաստանում մեկնարկել են վերջին 40 տարվա ընթացքում ամենախոշոր զորավարժությունները (տեսանյութ)

Ռուսաստանի Հեռավոր Արևելքում մեկնարկել են «Արևելք-2018» զորավարժությունները, որոնք կդառնան 37 տարվա ընթացքում Ռուսաստանում ամենախոշոր զորավարժությունները: Դրանց կմասնակցի մոտ 300 հազար զինծառայող, տասնյակ հազարավոր զրահապատ մեքենա, ուղղաթիռ, ինքնաթիռ, անօդաչու սարք և նավ, զորավարժություններին կմասնակցեն նաև ստորաբաժանումներ Չինաստանից և Մոնղոլիայից, հայտնում է lenta.ru-ն՝ վկայակոչելով երկրի պաշտպանության նախարարության կայքը: Գերատեսչությունը հրապարակել է նաև զորավարժությունների մեկնարկի տեսանյութը:

Զորավարժությունները տեղի կունենան սեպտեմբերի 11-17-ը՝ պաշտպանության նախարար Սերգեյ Շոյգուի ղեկավարության ներքո:

Դրանք բաժանված կլինեն երկու փուլի: Առաջին փուլում կիրականացվի Հեռավոր Արևելքում զորքերի տեղակայումը և տարածաշրջանում ռազմածովային նավատորմի ուժերի կուտակումը, երկրորդ փուլում կմշակվի տարբեր զորախմբերի կառավարումը:

 Ինչպես նշել է երկրի պաշտպանության նախարարությունը, զորավարժությունների գլխավոր նպատակը ռազմական ղեկավարության պատրաստվածության մակարդակի ստուգումն է մեծ հեռավորությունների վրա զորքերի վերախմբավորում նախապատրաստելու և իրականացնելու ընթացքում, ինչպես նաև ցամաքային ուժերի և նավատորմի միջև փոխգործակցությունը կազմակերպելու ժամանակ:

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Սիրիայում ՌԴ–ի հետ հակասությունը C-400–ների վրա չի ազդի Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար ՌԴ ՊՆ-ն ցուցադրել է «Օխոտնիկ» նորագույն անօդաչուի առաջին թռիչքը (տեսանյութ)