Հրապարակվել է Աբխազիայի վարչապետի մահվան պատճառ դարձած ավտովթարի վայրից առաջին տեսանյութը

«Սպուտնիկ»-ի աբխազական ծառայությունը հրապարակել է երկրի վարչապետ Գենադի Գագուլիայի մահվան պատճառ դարձած ավտովթարի վայրում արված առաջին կադրերը, որոնցում պարզորոշ երևում է ջարդուփշուր եղած մեքենան:

Հիշեցնենք, որ դժբախտ պատահարը տեղի է ունեցել սեպտեմբերի 8-ի գիշերը:

Ավտոշարասյունը, որում գտնվում էր կառավարության ղեկավարը, վերադառնում էր Սիրիայից: Գագուլիային տեղափոխող մեքենան բախվել է փողոցի հանդիպակաց մասով շարժվող «ՎԱԶ 21099»-ի հետ, որի վարորդը եղել է թմրանյութերի ազդեցության տակ:

Հայտնի է,որ միջադեպի հետևանքով հոսպիտալացվել է երկու մարդ:

Երկրի իշխանությունները կատարվածը դժբախտ պատահար են որակել:

Հիշեցնենք, որ Գենադի Գագուլիան ծնվել է 1948թ. հունվարի 4-ին: 1995-1997 և 2002-2003թթ.-ին եղել է Աբխազիայի Նախարարների խորհրդի նախագահ: 2003-2004թթ.-ին եղել է Աբխազիայի նախագահի աշխատակազմի ղեկավարը:

Նա վարչապետի պաշտոնում է նշանակվել 2018թ.: