«Ռուսաստանը ոգևորությամբ է հետևում Ադրբեջանի հետ հարաբերությունների զարգացմանը». ՌԴ ԱԳՆ
Ռուսաստանի Դաշնության արտաքին քաղաքական գերատեսչության մամուլի խոսնակ Մարիա Զախարովան սեպտեմբերի 7-ին կայացած ճեպազրույցի ժամանակ անդրադարձել է ռուս-ադրբեջանական հարաբերություններին՝ նկատելով, որ Մոսկվան ոգևորությամբ է հետևում Բաքվի հետ երկկողմ հարաբերությունների զարգացմանը:
Զախարովան ընդգծել է, որ երկրների միջև բազմաբևեռ համագործակցությունը զարգանում է Ադրբեջանի կառավարության ու ՌԴ կազմի մեջ մտնող սուբյեկտների կառավարությունների միջև կնքված համաձայնագրերի հիման վրա:
Խոսնակը հավելել է, որ ներկայում գործում է նմանատիպ 17 համաձայնագիր, բացի այդ, ծրագրված է նորերը կնքել:
«Ադրբեջանի հետ միջշրջանային կապերի արդյունավետության մասին վկայում են հետևյալ փաստերը՝ Բաքվում բացվել են Դաղստանի, Թաթարստանի, «Բաշկիրիայի ավիաուղիներ», «Պերմի ավիաուղիներ», «Պուլկովոյի ավիաուղիներ», «Սամարայի ավիաուղիներ», «Ուրալի ավիաուղիներ» ընկերությունների, Ռուսաստանի որոշ բիզնես կառուցվածքների ներկայացուցչությունները, «Ուրալ», «Թաթարստան» առևտրի տները:
Ադրբեջանցի գործարարները ներդրումներ են արել Եսենտուկի քաղաքում հանգստաառողջարանային կենտրոնի կառուցման նախագծում, ինչպես նաև Կրասնոդարում մթերքի արտադրման գործարաններում: Նախագծեր են իրագործվում Կաբարդինո Բալկարիայում, Դաղստանում»,-ասել է Զախարովան:
Նրա խոսքով՝ մեկնարկելիք Ռուս-ադրբեջանական միջշրջանային համաժողովի շրջանակում քննարկվելու են համագործակցության նոր նախագծերը:
«Ռուսաստանը ոգևորությամբ է հետևում Ադրբեջանի հետ երկկողմ հարաբերությունների զարգացմանը: Ահռելի ներուժ կա: Շատ բաներ արդեն իրագործվում են, մի մասն էլ գտնվում է մշակման փուլում»,-ասել է նա:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո