Հայկ Մարությանը մեկ այլ սխալական հայտարարություն էլ է թույլ տվել
Բացի «սեւերի ու սպիտակների» մասին հայտարարությունը, Երեւանի քաղաքապետի «Իմ քայլը» դաշինքի թեկնածու Հայկ Մարությանը թույլ է տվել մեկ այլ սխալական հայտարարություն եւս, սակայն դրան բարեկամաբար ենք վերաբերվում։ Այս մասին այսօր՝ սեպտեմբերի 7-ին լրագրողների հետ զրույցում հայտարարեց ավագանու ընտրություններում «Ժառանգություն» կուսակցության ցուցակի երկրորդ հորիզոնականում գտնվող Արմեն Մարտիրոսյանը։
«Մենք բոլորս մարդ ենք, ուստի եւ սխալական, որեւէ մեկն անսխալական չէ: Դրական եմ համարում, որ Հայկ Մարությանն ընդունեց իր ասածի սխալականության մի մասը, բայց այնտեղ մի հատված կար, որը եւս պարզաբանման կարիք ուներ: Թեեւ այդ ժամանակն անցել է։ Ինչեւէ, մենք առաջ ենք շարժվում, ոչ թե կենտրոնանում ենք ինչ-որ բանի վրա»,–նշեց նա։
Մարտիրոսյանը սխալական համարեց այն արտահայտությունը, թե միայն ՔՊ–ում են հավաքված այն մարդիկ, որոնք ոչ միայն հեղափոխության ժամանակ, այլ դրանից առաջ են պայքարել, սակայն նշեց, որ դրան բարեկամաբար են վերաբերվում եւ առաջ շարժվում։
«Ցանկացած պարագայում մեր մոտեցումը հետեւյալն է՝ չկան սեւեր եւ սպիտակներ, կամ այլ գույներ, մեզ համար կան քաղաքացիներ, որոնք ունեն իրենց դիրքորոշումը»,–հավելեց Մարտիրոսյանը:
«Ժառանգություն» կուսակցության ցուցակը գլխավորող մյուս անդամը՝ Հովսեփ Խուրշուդյանն էլ կարեւորեց, որ Մարությանը նոր է մտնում քաղաքականություն. «Հայկ Մարությանը հայտնի է որպես ուրախ տղա, դրական դաշտում գտնվող մեկը, իր այդ հայտարարությունն ինձ խորթ թվաց, նա եթե վերադառնա իր բնական վիճակին, այն դաշտին, որտեղ գտնվել է, ավելի լավ կլինի։ Իր կերպարը դրական է եւ ես նրան շատ լավ եմ վերաբերում։ Եթե քաղաքականություն մտնելիս վրիպումներ է թույլ տալիս, ոչինչ, շատ կցավեի, եթե դա թիմի մտածողության խնդիր լինի»։
Կուսակցության քաղաքապետի թեկնածու Րաֆֆի Հովհաննիսյանն էլ իր հերթին շեշտեց «սեւերի ու սպիտակների» եզրույթներով խոսելը պետության համար ոչ մի լավ բանի չի բերելու. «Եթե Ստալինը դիմացս լիներ եւ ասեր, որ ինքը սպիտակն է, մենք հպարտությամբ սեւի գործառույթը կվերցնեինք մեզ վրա, որ ունենայինք նորմալ, ժողովրդավար երկիր»։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
13-ամյա աղջիկը ընկել է դպրոցի պատուհանից
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս