Սամվել Ֆարմանյանը քրոջ դեմ քրգործի մասին
ԱԺ «Հանրապետական» խմբակցության պատգամավոր Սամվել Ֆարմանյանը խոստանում է քրոջ՝ Անահիտ Ֆարմանյանի գործի առնչությամբ ամենապատշաճ պահին ներկայացնել շատերի համար ոչ ականջահաճո եւ հետեւանքներ առաջացնող փաստեր։ Այս մասին նա հայտարարեց սեպտեմբերի 6-ին՝ լրագրողների հետ զրույցում։
Սակայն նա նկատեց, որ այժմ նախկինում արված հայտարարություններին ավելացնելու ոչինչ չունի։
«Ես այդ գործի վերաբերյալ շատ մանրամասն հանդես կգամ մամուլի ասուլիսով, կներկայացնեմ մեծ թվով փաստեր, այդ թվում՝ շատերի համար ոչ ականջահաճո եւ հետեւանքներ առաջացնող փաստեր, ինչպես նաեւ կտամ գնահատականներ։ Առայժմ այսքանը»,–նշեց պատգամավորը։
Սամվել Ֆարմանյանը հավաստիացրեց՝ Անահիտ Ֆարմանյանը նախաքննությունից թաքնվելու որեւէ ռացիոնալ մտադրություն չունի։
Հիշեցենք, որ Շիրակի պետական համալսարանի նախկին պրոռեկտոր Անահիտ Ֆարմանյանը մեղադրվում է խարդախության մեջ: Դատարանը նրա նկատմամբ խափանման միջոց է ընտրել կալանավորումն ու հայտարարել հետախուզում:
Անահիտ Ֆարմանյանը հայտարարություն էր տարածել եւ հայտնել, որ իր նկատմամբ առաջադրված մեղադրանքի պատճառը ազգանունն է՝ ԱԺ պատգամավոր Սամվել Ֆարմանյանի քույրը լինելու հանգամանքը։
Անահիտ Ֆարմանյանի պաշտպաններն էլ հավաստիացրել են, որ նա չի խուսափում վարույթն իրականացնող մարմնից, նա գտնվում է ամենամյա արձակուրդում։ «Վարույթն իրականացնող մարմինը Անահիտ Ֆարմանյանի հետ կապի մեջ է եղել փաստաբանի միջոցով։ Անահիտ Ֆարմանյանը մինչեւ արձակուրդը չի հրավիրվել մասնակցելու դատավարական գործողությունների եւ չի ունեցել որեւէ կարգավիճակ։ Ես անձամբ դեռեւս հուլիսի 19-ին տեղեկացրել եմ քննիչին, որ պատրաստ ենք մասնակցել դատավարական գործընթացին»,–հայտարարել է Անահիտ Ֆարմանյանի պաշտպան Նարեկ Ալոյանը։
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...