Իրանում ռիալի արժեզրկումը շարունակվում է

Իրանի ազգային տարադրամի՝ ռիալի աննախադեպ արժեզրկումը դոլարի նկատմամբ շարունակվում է:

Արժեզրկման հիմնական պատճառներից մեկը Վաշինգտոնի կողմից պատժամիջոցների վերականգնումն է:

Ռիալն անցած երեք օրում ևս 15 տոկոսով է արժեզրկվել: Այսօրվա դրությամբ շուկայում ԱՄՆ 1 դոլարը վաճառվում է 128․5 հազար ռիալով: Այս տարվա ընթացքում ռիալի արժեզրկումը հասել է 70 տոկոսի, ինչին զուգահեռ երկրում աճել են պարենի և տարատեսակ ծառայությունների գները: Տնտեսական ճգնաժամը հակակառավարական ցույցեր է հրահրել:

Ռիալի արժեզրկումը բացատրվում է նաև Իրանի թույլ տնտեսությամբ և դոլարի մեծ պահանջարկով, քանի որ իրանցիներից շատերը կորցնում են վստահությունը ազգային տարադրամի նկատմամբ:

Վաշինգտոնը վերականգնել է պատժամիջոցները և սպառնացել է նոր պատժամիջոցներ սահմանել այն բանից հետո, երբ ի պաշտոնե հրաժարվել է 2015 թվականի միջուկային պայմանագրից, որը Թեհրանը կնքել է վեց գերտերությունների հետ:

Այս թեմայով Իրանն ու Օմանը քննարկում են Օրմուզի նեղուցը ճգնաժամից դուրս բերելու ուղիները NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում