Ցեմենտի 25 գործարաններ դադարեցրել են արտադրությունը

Վերջին երեք շաբաթվա ընթացքում Վրաստանում ցեմենտ արտադրող 25 գործարան դադարեցրել է աշխատանքը կլինկերի՝ ցեմենտի արտադրության համար անհրաժեշտ հումքի բացակայության պատճառով։ Այն երկիր է ներկրվում հիմնականում Իրանից, հաղորդում են վրացական ԶԼՄ-ները։

Ձեռնարկությունների ղեկավարները պատճառաբանում են Վրաստան 3 հազար տոննա ներկրված կլինկերի մաքսայինում ձևակերպման երկարատև ընթացակարգերը, որոնք ֆինանսների նախարարության եկամուտների ծառայությունն արդեն մեկ ամիս է չի կարողանում ավարտին հասցնել։ Դա բացատրվում է որակը ստուգելու անհրաժեշտությամբ։

Սակայն գործարանների սեփականատերերը նշում են, որ մաքսային ընթացակարգերը արհեստական կերպով են երկարաձգվում և ստեղծված իրավիճակը կապում են Վրաստանում ցեմենտի խոշորագույն արտադրող HeidelbergCement Georgia-ի բիզնես շահերի հետ։ Այն վերահսկում է տեղական շուկայի շուրջ 70 տոկոսը և երկրում միակն է, որը կլինկերի սեփական արտադրություն է ծավալել։

Տեղացի ձեռներեցների ենթադրությունների հետ համաձայն չէ Վրաստանի բիզնես օմբուդսմեն Իրակլի Լեկվինաձեն։ Նա պնդում է, որ ճգնաժամի միակ պատճառը երկրում արտադրվող ցեմենտի որակի վերահսկողության խստացումն է՝ բացառելով մենաշնորհի ցանկացած դրսևորում։

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք