Սևանա լճից մինչև 40 միլիոն խորանարդ մետր ջրառ կիրականացվի (տեսանյութ)

Կառավարության նախագծով՝ նախատեսվում է Սևանա լճից մինչև 40 միլիոն խորանարդ մետր ջրառ իրականացնել

Նախատեսվում է Սևանա լճից մինչև 40 միլիոն խորանարդ մետր ջրառ իրականացնել։

Այս մասին նախագիծն այսօր քննարկվեց ժամանակավոր, համաձայնության կառավարության հերթական նմիստին. վարչապետը սա Կառավարության օրակարգի անցանկալի հարցերից համարեց:

«Արդեն Կառավարությունը մի քանի անգամ տարբեր ֆորմատներով քննարկել է ոռոգման համակարգում ստեղծված վիճակը, և խնդիր էինք դրել ու քաղաքական դիրքորոշում ունեինք, որ Սևանա լճից հավելյալ ջրառ իրականացնելու անհրաժեշտություն չառաջանա»,- ասաց նա:

Վարչապետը նշեց, որ շատ բուռն քննարկումներ են եղել, և պարզ է դարձել, որ կա ռեալ ռիսկ, որ կարող ենք գյուղատնտեսության համար բարդ ու փակուղային իրավիճակ ստեղծել: Նա նշեց, որ ոռոգման համակարգը բազմաթիվ հարցեր է առաջացնում, և կարևորեց լրջագույն լուծումների գնալը, որպեսզի հասկանան, թե որքանով իրականությանը համապատասխանում «ջրային մաֆիայի» գործունեությունը, և եթե դա գոյություն ունի՝ արագ կապիտուլյացիա պետք է իրականացնեն:

 ՀՀ փոխվարչապետ Տիգրան Ավինյանն ասաց, որ հավելյալ լուծումներից արդեն արտաբյուջետային 1.6 միլիարդ դրամ ունեն, և առաջարկեց դրանք ուղղել ջրառի նվազեցմանն ուղղված միջոցառումներին:

Վարչապետը ներկայացրեց այս հարցի շուրջ տեղի ունեցած քննարկումների մանրամասները:

«Դեռ հունիսին խնդիր էր դրվել ամեն ինչ անել, որ հավելյալ ջրառ իրականացնելու անհրաժեշտություն չլինի, հետո զեկուցվել է, որ նման անհրաժեշտություն չի լինի, այնուհետև՝ որ կլինի, և այսպես շարունակ: Կառավարությունում մի քանի քննարկումներ են եղել, և քննարկման ժամանակ իրավիճակ ունեինք, որ դրա մասնակիցները երկու մասի էին բաժանվել. մի մասը պնդում էր, որ հնարավոր է կարիքները հոգալ առանց ջրառ իրականացնելու, իսկ մյուս մասը պնդում էր, որ հնարավոր չէ, և կկանգնենք աղետի առաջ»,-ասաց նա:

Վարչապետը նշեց, որ այսպիսով եկան հետևյալ մոտեցման, որ այսպիսի որոշում կայացնեն, բայց կստեղծեն նաև օպերատիվ խումբ, կուսումնասիրվի իրավիճակը:

«Օպերատիվ խումբը խնդիրներն այնպես կկառավարի, որ եթե կա գործնական հնարավորություն սեզոնը փակել առանց այս 40 միլիոնին կպչելու, ապա այդպես կլինի:

Քննարկման ժամանակ փորձում էինք հասկանալ, թե այդ պահանջարկը ինչպես է ձևավորվում, արդյոք դա ապացուցելի է, և պարզ է դառնում, որ ամեն ինչ աչքաչափի վրա է, և սա կատաստրոֆիկ համակարգ է, ու չես հասկանում, թե ինչպես է աշխատում»,- ասաց նա և հանձնարարեց փոխվարչապետ Տիգրան Ավինյանին համատեղ վերահսկողություն իրականացնել:

«Մեր խնդիրն է մաքսիմալը անել, որ այդ ջրին չկպչենք, կամ մինչև 25 միլիոն խորանարդ մետրի շրջանակում կարողանանք կազմակերպել ջրառը, և այդ 25+15 խորանարդ մետրը դիտարկում ենք պոտենցիալ գյուղատնտեսական աղետից խուսափելու ռեզերվ»,- ամփոփեց վարչապետը:

Այսպիսով, վարչապետն ասաց, որ սրտի կսկիծով հարցը դնում են քվեարկության:

«Բոլորը դեմ են, բայց ոչ մեկը չի արտահայտվում բարձրաձայն»,- ասաց նա։

Նախագիծն ընդունվեց: