Իրանը զորավարժություններ է սկսել Պարսից ծոցում

Իրանը Պարսից ծոցում լայնածավալ ռազմածովային զորավարժություններ է սկսել, որոնցում ներգրավված է ավելի քան հարյուր նավ, հայտնում են մի շարք լրատվամիջոցներ՝ վկայակոչելով Իրանի պաշտոնական աղբյուրները:

Ներկայումս Պարսից ծոցում Միացյալ Նահանգները միայն մեկ խոշոր հրթիռային հածանավ ունի, սակայն այդ տարածաշրջանում տեղակայված են մեծ թվով ամերիկյան ինքնաթիռներ:

Այս զորավարժությունը, որը ենթադրաբար ուղերձ է Վաշինգտոնին, անցկացվում է Թեհրանի և Վաշինգտոնի հարաբերություններում աննախադեպ լարվածության ֆոնին: Առաջիկա օրերին, ինչպես խոստացել է ԱՄՆ նախագահ Դոնալդ Թրամփը, ուժի մեջ կմտնեն Իրանի նկատմամբ «ցավոտ» տնտեսական պատժամիջոցները, որոնք սառեցվել էին 2015 թվականին կնքված միջուկային գործարքի շրջանակում, որից Միացյալ Նահանգները դուրս է եկել:

Պատժամիջոցների վտանգը արդեն հետևանքներ է թողել Իրանի տնտեսության վրա: Երկրի ազգային տարադրամը ռեկորդային արժեզրկում է արձանագրել, ինչը իրանական մի քանի քաղաքներում փողոցային ցույցերի տեղիք է տվել:

Այս թեմայով Իրանը պնդում է, որ հրթիռների պակաս չունի Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա Իրանը իր կարողությունների միայն մի փոքր մասն է օգտագործել՝ ի պատասխան Իսրայելի հարձակումների․ Արաղչի Կատարը Իրանի էներգետիկ օբյեկտների վրա հարվածները որակել է «վտանգավոր և անպատասխանատու» Արաղչի. Իրանը կպատերազմի մինչև Թրամփը հասկանա, որ պատերազմ սկսելը սխալ էր