Նիկոլ Փաշինյանը ցանկանում է Հայաստանի ՀԱՊԿ անդամակցությունն ավելի արդյունավետ դարձնել
Հայաստանի Հանրապետության ու Ռուսաստանի Դաշնության միջև հարաբերությունները պետք է լինեն առանց մութ անկյունների: Այս մասին ռուսական «Էխո Մոսկվի» ռադիոկայանին տված հարցազրույցում ասել է ՀՀ վարչապետ Նիկոլ Փաշինյանը:
Նա նշել է, որ ՌԴ նախագահ Վլադիմիր Պուտինը շփման մեջ շատ ավելի թեթև մարդ է, քան կարող էր պատկերացնել: «Ինձ համար շատ հաճելի անակնկալ էր այն, որ նա ուղիղ ու անկեղծ մարդ է: Մեր հարաբերություններում ինձ դուր է գալիս, որ ամեն բանի մասին խոսում ենք ուղիղ ու անկեղծ: Մոսկվա կատարած վերջին այցից հետո ասել եմ, որ Ռուսաստանի հետ մեր հարաբերությունները պետք է առանց մութ անկյունների լինեն: Դա չի նշանակում, որ մենք միշտ ամեն ինչում համաձայն կլինենք, դա նշանակում է, որ մենք միշտ անկեղծ կլինենք: Ամենամեծ բարեկամությունն է, որ երկու պետությունները, երկու մարդիկ նայում են իրար աչքերի մեջ ու խոսում են ուղիղ ու անկեղծ»,- հայտարարել է Փաշինյանը:
Նա նշել է, որ Հայաստանը, ՀԱՊԿ անդամ լինելով, նպատակն ունի իր անդամակցությունը կառույցում ավելի արդյունավետ դարձնել:
Հարցին, թե արդյոք Պուտինի հետ հանդիպմանը բարձրացրել է Ադրբեջանին զենք վաճառելու հարցը, Փաշինյանը դրական պատասխան է տվել՝ առանց ներկայացնելու զրույցի մանրամասները:
Անդրադառնալով Հայաստանում ռուսական 102-րդ ռազմաբազայի գործունեությանը՝ կառավարության ղեկավարն ընդգծել է, որ այն մեր երկրի անվտանգության համակարգի կարևոր մաս է: «Ռազմաբազան ունի հստակ պարտականություններ: Դա չի նշանակում, որ մենք խնդիրներ չունենք ռազմաբազայի գործունեության հետ, սակայն 102-րդ ռուսական ռազմաբազայի գոյությունը Հայաստանում համապատասխանում է ՀՀ ազգային շահերին»,- ասել է նա:
Անդրադառնալով Հայաստանի ատոմային էլեկտրակայանի շահագործմանը՝ Փաշինյանը նկատել է, որ հայկական կողմն աշխատում է շահագործման ժամկետները երկարացնելու շուրջ: «Հայաստանի համար կարևոր է ատոմային էներգետիկա ունենալը: Մեզ անհրաժեշտ է մինչև 2040 թվականը երկարացնել ատոմակայանի շահագործումը՝ փորձելով մինչ այդ նոր ատոմային էլեկտրակայան կառուցել: Հուսով ենք, որ Ռուսաստանը կօգնի մեզ այդ հարցում, քանի որ, ցավոք, այս պահին բավարար ֆինանսական միջոցներ չունենք գործընթացն ինքնուրույն սկսելու համար»,- հայտարարել է Փաշինյանը՝ նշելով, որ եթե Ռուսաստանից օգնություն լինի, ապա հայկական կողմն այն սիրով կընդունի: «Մենք չենք պատրաստվում փակել ատոմային էլեկտրակայանը»,- նշել է վարչապետը:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...